Sport

Leo Messi investon në një kompani luksoze katamaranësh me qira…

Projekti do të prezantohet këtë javë në Barcelonë, gjatë ekspozitës ndërkombëtare të anijeve

11 Tetor 2023, 12:00 Nga DOSJA

Leo Messi investon në një kompani luksoze katamaranësh me

SPANJE - Pavarësisht se ende vazhdon të shkëlqejë në fushë, Leo Messi, si shumë lojtarë të tjerë, ka bërë disa investime me synimin për të ardhmen, pas përfundimit të karrierës së tij futbollistike.

Kështu ai ka në zotërim një zinxhir hotelesh, “MIM Hotels” (Majestic i Messi Hotels). Kësaj radhe, sipas gazetës ‘La Vanguardia’, ylli argjentinas do të investojë në një projekt të ri: “MIM Ocean”, një kompani luksoze katamaranësh me qera.

Sipas publikimit, projekti do të prezantohet këtë javë në Barcelonë, gjatë Panairit Ndërkombëtar të Varkave, i cili zhvillohet nga data 11 deri në datën 15 tetor.

Në një fazë fillestare, “MIM Ocean”, me ndihmën e “Med Cat Yachts”, një kompani me qendër në Port Ginesta, në jug të Barcelonës, do të nisë me tre katamaranë. Dy njësitë e para në këtë flotë kanë kapacitet për 10 deri në 11 vizitorë, në katër kabina dyshe dhe një treshe. Njësia e tretë tashmë është konfiguruar me vetëm katër dhoma gjumi dyshe.

B.T (Dosja.al)

Sondazh

Poll

MË SHUMË