Politike

Dule për Belerin: Himara e ka zgjedhur, mandati i mbaron në 2027

Dule ka theksuar për gazetarët se nuk ka asnjë ligj që të heqi mandatin e Belerit.

27 Shtator 2023, 11:24 Nga h.k
Dule për Belerin: Himara e ka zgjedhur, mandati i mbaron në 2027
Vangjel Dule

TIRANË- Kreu i PBDNJ-së Vangjel Dule në një deklaratë për mediat në kryesinë e Kuvendit të Shqipërisë ka dhënë përgjigje dhe për “Çështjen Beleri”. Dule ka theksuar për gazetarët se nuk ka asnjë ligj që të heqi mandatin e Belerit dhe se mandati i tij skandon në 2027. 

Nuk ka afat ligjor që kufizon zotin Beleri që nga momenti që ka shprehur dëshirën për t’iu përgjigjur ligjit e kushtetutës. Zoti Beleri nuk ka refuzuar që ta bëjë betimin dhe nuk ka dispozitë ligjore që e çon procedurën në përfundim mandati. Beleri është i zgjedhur i bashkisë dhe mandati i tij përfundon në 2027-ën”.- ka thënë Dule. 

Dalja për mediat e Vangjel Dules vjen një ditë pasi Gjykata e Lartë rrëzoi rekurset e Fredi Belerit dhe nga ana tjetër Kolegji Penal nuk ka pranuar kundërshtitë e Belerit ndaj arrestit në flagrancë dhe për ndryshim të masës së sigurisë “arrest në burg”.

fredi beleri vangjel dule himara

Sondazh

Poll