Politike

Priti në takim përfaqësuesit e KiE, Meta: I bëra me dije për krimin e lidhur me shtetin

Takimi është fokusuar në rolin e opozitës në raport me pushtetin, ku Meta u ka thënë përfaqësuesve se “në çdo ditë që kalon, Shqipërisë i kërcënohet demokracia.

27 Shtator 2023, 11:03 Nga h.k
Priti në takim përfaqësuesit e KiE, Meta: I bëra me dije
Ilir Meta dhe reporterët e KiE

TIRANË-Kryetari i "Partisë së Lirisë", Ilir Meta ka pritur paraditen e sotme në një takim zyrtar bashkëreporterët e Asamblesë Parlamentare të KiE Asim Mollazanda, Jonut Stroe dhe Bas Klein. Takimi është fokusuar në rolin e opozitës në raport me pushtetin, ku Meta u ka thënë përfaqësuesve se “në çdo ditë që kalon, Shqipërisë i kërcënohet demokracia.

POSTIMI I ILIR METËS NË FACEBOOK:

Prita sot në një takim bashkëreporterët e Asamblesë Parlamentare të KiE, z. Asim Mollazada, z. Jonut Stroe dhe z. Bas Klein gjatë vizitës së tyre faktmbledhëse në Shqipëri. Biseduam për situatën shumë të rëndë të kapjes së shtetit, cënimin e institucionit të votës së lirë, pasojat që sjell kontrolli i parlamentarizmit nga ekzekutivi, lidhjen e ngushtë të krimit me qeverisjen, korrupsionin endemik në çdo qelizë të administratës publike dhe zhgënjimin që drejtësia selektive shkakton në pritshmëritë e qytetarëve shqiptarë për luftën ndaj krimit dhe korrupsionit.

Ndava me ta angazhimin e palëkundur të Partisë së Lirisë për shpëtimin e pluralizmit në vend, rivendosjen e shtetit të së drejtës dhe për dedikimin e çdo energjie për përparimin e integrimit Europian të Shqipërisë.Ne do të vazhdojmë pa u ndalur, në bashkëpunim dhe me partnerët ndërkombëtarë, të kontribuojmë për një opozitë të unifikuar që rritet si alternativë qeverisëse, e cila i përgjigjet sfidave të shqiptarëve dhe vendit.

 

ilir meta partia e lirise

Sondazh

Poll

MË SHUMË