Sport

Ultimatum i De Laurentiis për Rudi Garcia…

I shtati në kampionat pas pesë javësh, Napoli tashmë është në vështirësi dhe trajneri i tij Rudi Garcia është ulur në një pankinë që lëviz.

26 Shtator 2023, 14:06 Nga DOSJA
Ultimatum i De Laurentiis për Rudi Garcia…

ITALI - Pas një sherri fillestar me Khvicha Kvaratskhelia, Rudi Garcia u përplas edhe me Victor Osimhen. Këtë fundjavë, nigeriani u tërbua kur tekniku francez e zëvendësoi, ndërsa skuadra e tij po barazonte në Bologna. 

Një përleshje e pashmangshme dhe e shumë komentuar në Itali, ndërkohë që tekniku francez tashmë e gjen veten në një pankinë që lëviz. Dhe me një president si Aurélio De Laurentiis, mund të imagjinojmë lehtësisht, se ditët e ish-trajnerit të Lyon-it janë të numëruara në krye të skuadrës, ndërkohë raportohet se një ultimatum i parë është vendosur.

Në të vërtetë, sipas informacioneve të “Gazzetta dello Sport”, si dhe “Corriere dello Sport”, atij i kanë mbetur vetëm... katër ndeshje për t'i kthyer gjërat! 

Kështu ka thenë presidenti i tij. Në vijim, për napolitanët është pritja e Udineses nesër, një udhëtim në Lecce të shtunën, pritja e Real Madridit të martën e ardhshme në Champions League, si dhe një tronditje kundër Fiorentinës sërish në shtëpi, të dielën e ardhshme. 

Një plan kohor jo i qartë për t'i rikthyer gjërat në rrugën e duhur, veçanërisht pasi menaxhimi i tij, tashmë po punon për një pasardhës të mundshëm. Përmenden edhe disa emra: Antonio Conte, Igor Tudor apo edhe... Christophe Galtier. Ditët në vijim do të jenë të nxehta në Napoli.

B.T (Dosja.al)

Sondazh

Poll

MË SHUMË