Politike

Dështimi i negociatave/ Rezolutë kundër Macron në PE: BE rrezikon të humbasë besueshmërinë, në dhjetor me propozim konk

23 Tetor 2019, 11:24 Nga DOSJA
Dështimi i negociatave/ Rezolutë kundër Macron në PE: BE

Bruksel– Në parlamentin Europian është një rezolutë kundër presidentit të Francës Emmanuel Macron, pas ‘JO-së’ për  hapjen e negociatave me Shqipërinë dhe Maqedoninë e Veriut.  Kjo rezolutë është bërë nga eurodeputetët nga grupi i Gjelbërve EFA.

Rezoluta e propozuar e Gjelbërve, e cila duhet të kalojë një votim të enjten në seancën plenare të Parlamentit Evropian, shpreh keqardhjen e saj për vendimin e Këshillit Evropian dhe thekson se “duke mos arritur të përmbushë premtimet dhe angazhimet e tij për të dy vendet , BE rrezikon të humbasë besueshmërinë ”në rajonin e Ballkanit Perëndimor.

Në të thuhet se procesi i zgjerimit “duhet të udhëhiqet nga kritere objektive, dhe jo nga … politikë e brendshme ose polemika bilaterale” në vendet anëtare të BE-së. Rezoluta e propozuar gjithashtu i bën thirrje Këshillit Evropian që “të marrë përgjegjësinë e tij dhe të gjejë një kompromis konkret” në mbledhjen e tij të ardhshme në dhjetor.

Dështojnë negociatat për Shqipërinë dhe Maqedoninë e Veriut. Më 18 tetor Donald Tusk konfirmoi se pas diskutimeve të gjata nuk vendos për një “PO”. Menjëherë pas vendimit Meta u shpreh se asgjë s’ka përfunduar dhe nuk duhet humbur shpresa. Ndërsa Hahn deklaroi se vendimi është një zhgënjim, BE nuk mbajti premtimin.

Burimi: Ballkaninsight.com 

J.V/Dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike dështojnë negociatat me be-në rezolutë kundër macron dështojnë negociatat me be-në rezolutë kundër macron

Sondazh

Poll

MË SHUMË