Sport

Barcelona/ Statistikat e reja të çmendura të super-talentit Yamal…

Lamine Yamal, fenomeni i parakohshëm i Barçës, bëri debutimin e tij në Champions League mbrëmë kundër Royal Antwerp.

20 Shtator 2023, 13:58 Nga DOSJA
Barcelona/ Statistikat e reja të çmendura të super-talentit

SPANJE - Mbështetësit e Barçës janë mbi hënë. Këtë fundjavë, ata panë që skuadra e Xavit të asgjësonte Real Betis 5-0 në La Liga. Mbrëmë të njëjtën gjë bënë edhe me Royal Antwerp për ditën e parë të Champions League. 

Çdo herë, në këto ndeshje të fundit, ka qenë Joao Felix ai që ka marrë rolin e mjeshtrit të ceremonive me gjithsej tre gola dhe një asistim. Ndërkombëtari portugez mori vëmendjen nga Lamine Yamal, i cili deri më tani ishte sensacioni i fillimit të vitit për ‘Blaugranët’.

Dje, anësori i ri 16-vjeçar ishte zëvendësues, por hyri në lojë në pjesën e dytë për të shkaktuar telashe në mbrojtjen kundërshtare. Ai gjithashtu shfrytëzoi rastin për të hyrë pak më shumë në historinë e klubit të tij duke u bërë, në moshën 16 vjeç e 68 ditë, lojtari më i ri në historinë e FC Barcelonës që ka marrë pjesë në një ndeshje të Champions League. 

Megjithatë, në Evropë ai është mbrapa shpresës së madhe të Borussia Dortmundit, gjermanit Youssoufa Moukoko, i cili debutoi në moshën 16 vjeç e 18 ditë. 

Megjithatë, Lamine Yamal ende mund të vendosë rekordin për golashënuesin më të ri në C1. Ai do të përpiqet ta bëjë këtë në ndeshjen e radhëz kundër FC Porto më 4 tetor.

B.T (Dosja.al)

Sondazh

Poll

MË SHUMË