Aktualitet

Johannes Luchner: Lufta kundër Krimit të Organizuar, përparësi për BE-në

Në një deklaratë për mbledhjes së ministerialit ditën e sotme në Tiranë, Luchner ka deklaruar se një tjetër përparësi për Bashkimin Evropian është edhe goditja që u bëhet grupeve kriminale.

14 Shtator 2023, 19:01 Nga I.A
Johannes Luchner: Lufta kundër Krimit të Organizuar,
Johannes Luchner

TIRANË- Zv.drejtor i Përgjithshëm i DG HOME nga Komisioni Europian, Johannes Luchner ka deklaruar se bashkëpunimi rajonal mes vende të Ballkanit Perëndimor është përparësi për Komisionin Evropian. Në një deklaratë për mbledhjes së ministerialit ditën e sotme në Tiranë, Luchner ka deklaruar se një tjetër përparësi për Bashkimin Evropian është edhe goditja që u bëhet grupeve kriminale. Po ashtu ai ka zbardhur çështjet më kryesore që u diskutuan ditën e sotme në Ministerialin e Ministrave të Brendshëm në Tiranë. 

"Dëshiroj të ju falenderoj që keni organizuar këtë ministerial kaq të rëndësishëm. Bashkëpunimi rajonal është në rritje mes partnerëve të Ballkanit Perëndimor, përparësi kjo për Komisionin Evropian. Çështjet që ju përcollët janë shumë të rëndësishme. Partnerët e Ballkanit Perëndimor kanë patur një përparim me politikat e vizave të BE dhe miratimi i marrëveshjeve të reja me FRONTEX. Në takim, unë thashë që na duhet angazhim dhe përsa i përket shtyllave të tjera të planit të BE-së, puna për azilin, për zonat pritëse dhe lufta kundër kontrabandës së qënive njerëzore. Çështja e dytë në takimin e sotëm: Lufta kundër Krimit të Organizuar, përparësi për BE, në qendër të planit politik të BE-së.

Në veçanti sa i përket goditjes së grupeve kriminale duhet të jetë përparësi për BE dhe Ballkanin Perëndimor. Kënaqësi që shikojmë që partnerët e Ballkanit Perëndimor ndajnë informacione me anë të rrjetit CIENA, duam që kjo punë të vazhdojë. Çështja e tretë ishte siguria kibernetike sepse në fakt, sulme madhore kibernetike vazhdojnë të jenë kërcënim. Shqipëria dhe disa partnerë të tjerë kanë gërshëtuar punën e tyre dhe për rajonin pas atyre sulmeve të mëdha, BE e përshpejtoi mbështetjen e vet duke u përqëndruar në ekipet e ERT. Kemi një program bashkëpunim të financuar nga IPA dhe do të vijojë. Sot ministri Balla propozoi të ketë një mekanizëm rajonal për paralajmërim të hershëm. Ne duhet të fuqizojmë dhe të gjithë makanizmat e tjerë. Komisioni Evropian me zor pret për këtë propozim. Dita e sotme ishte përgatitja e përkyer për atë takim," tha Luchner.

johannes luchner

Sondazh

Poll

MË SHUMË