Aktualitet

I vuri zjarrin tokës por u dogjën 3 banesa, arrestohet 36-vjeçari në Finiq 

Mësohet se 36-vjeçar ditën e djeshme i vuri flakën tokës së tij, por kur pa që zjarri mori përmasa të mëdha u largua nga vendi i ngjarjes.

12 Shtator 2023, 20:05 Nga I.A
I vuri zjarrin tokës por u dogjën 3 banesa, arrestohet
Foto Ilustruese

SARANDË- Një 36-vjeçar është arrestuar ditën e sotme në Finiq për zjarrvënie dhe shkatërrim i pronës me zjarr. Mësohet se 36-vjeçar ditën e djeshme i vuri flakën tokës së tij, por kur pa që zjarri mori përmasa të mëdha u largua nga vendi i ngjarjes. Flakët u përhapën me shpejtësi dhe dogjën pjesërisht 3 banesa. 

Njoftimi i Policisë:

Livinë, Finiq, Sarandë Kapet dhe vihet në pranga 36-vjeçari që i vuri zjarrin tokës së tij, ditën e djeshme, dhe nga përhapja e flakëve u përfshi një sipërfaqe shumë e madhe, u dogjën pjesërisht 3 banesa dhe u rrezikuan disa të tjera. Strukturat hetimore të Komisariatit të Policisë Sarandë, në bashkëpunim me shërbimet e Forcës së Posaçme “Shqiponja” dhe të Patrullës së Përgjithshme, pas informacioneve të siguruara nga inteligjenca policore, lokalizuan, kapën dhe ndaluan shtetasin në kërkim M. B., 36 vjeç, banues në fshatin Livinë, Finiq.

Ky shtetas dyshohet se më datë 11.09.2023, rreth orës 11:00, ka ndezur zjarr në tokën e tij, në fshatin Livinë, bashkia Finiq dhe kur pa parë se zjarri po dilte jashtë kontrollit, është larguar. Zjarri, i favorizuar nga era, mori përmasa dhe për pasojë u dogjën pjesërisht 3 banesa në fshatin Livinë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme, për veprën penale “Shkatërrimi i pronës me zjarr”.

policia e finiqit zjarr ne finiq

Sondazh

Poll

MË SHUMË