Politike

U votuan të hënën në Kuvend, betohen para Presidentit 5 ministrat e rinj të qeverisë Rama

Një ditë më parë ata u miratuan nga Parlamenti, pasi më herët emrat e tyre u dekretuan nga Presidenti.

12 Shtator 2023, 10:35 Nga A.B
U votuan të hënën në Kuvend, betohen para Presidentit 5
Ministrat

TIRANË- Ministrat e rinj të qeverisë kanë kryer betimin e tyre para Presidentit të Republikës Bajram Begaj. Një ditë më parë ata u miratuan nga Parlamenti, pasi më herët emrat e tyre u dekretuan nga Presidenti.

5 nga 7 ministrat e rinj të qeverisë Rama u betuan sot. Kështu, këtë të martë mori detyrën si ministër i Jashtëm, Igli Hasani; si ministre Arsimi, Ogerta Manastirliu; si ministre Shëndetësie, Albana Koçiu; si ministre Bujqësie, Anila Denaj dhe si ministër për Pushtetin Vendor, Arbjan Mazniku.

Ndërsa Ervin Mete do të betohet në Presidencë si ministër i Financave dhe Ekonomisë pasi dekreti për të, të miratohet në Kuvend. Mete ka qenë drejtor ekzekutiv i AMF-së. Për këtë arsye, ditën e djeshme në seancë plenare u votua shkarkimi i tij nga ky post.

Emrat e ministrave që ikin dhe të atyre që vijnë;

Ministër Shteti për Sipërmarrjen dhe Klimën e Biznesit – Emërohet Delina Ibrahimaj; Largohet Edona Bilali

Ministre e Shëndetit dhe Mirëqenies Sociale – Emërohet Albana Koçiu; Largohet Ogerta Manastirliu

Ministër i Arsimit dhe Sporti – Emërohet Ogerta Manastirliu; Largohet Evis Kushi

Ministër për Europën dhe Punët e Jashtme – Emërohet Igli Hasani; Largohet Olta Xhaçka

Ministër i Bujqësisë dhe Zhvillimit – Emërohet Anila Denaj; Largohet Frida Krifca

Ministër i Pushtetit Vendor (Ministri e re): Emërohet Arbjan Mazniku

Ministria e Shtetit për Standardet dhe Shërbimet (Shkrihet) – Largohet Milva Ekonomi.

ministrat betim presidenti

Sondazh

Poll

MË SHUMË