Politike

U shkarkua nga detyra, Evis Kushi: Nder të shërbeja si ministre e Arsimit dhe Sportit, Ogerta do të vijojë punën e reformave të nisura

Me anë të një njoftimi në Facebook, Kushi ka deklaruar se gjatë viteve që ka pasur këtë post kanë kaluar reforma shumë të rëndësishme.

11 Shtator 2023, 16:46 Nga I.A
U shkarkua nga detyra, Evis Kushi: Nder të shërbeja si ministre e
Evis Kushi

TIRANË- Ministrja Evis Kushi, e cila u shkarkua ditën e sotme nga Kuvendi ka deklaruar se ka qenë nderi i saj më i madh që të kishte postin e Ministres së Arsimit dhe Sportit. Me anë të një njoftimi në Facebook, Kushi ka deklaruar se gjatë viteve që ka pasur këtë post kanë kaluar reforma shumë të rëndësishme. Po ashtu ajo nuk ka lënë pa falenderuar kryeministrin Edi Rama. Po ashtu ka theksuar se pret nga Ogerta Manastirliu që të vazhdojë punën me reformat që kanë nisur.

Postimi i Plotë:

Të shërbeja si Ministre e Arsimit dhe Sportit për vendin tim ka qenë nderi më i madh në jetën time, për të cilin kam punuar çdo ditë me mendje e zemër, me përkushtim dhe përgjegjshmëri të lartë, për ta përmbushur me sukses e për të bërë më të mirën në çdo hap. Dua të falënderoj thellësisht të gjithë ata që i kisha në krah përgjatë këtij rrugëtimi, mësues, pedagogë e kolegë në ministri, me të cilët kemi kapërcyer shumë sfida të vështira në këto tre vite, veçanërisht pasojat e tërmetit dhe pandemisë, por edhe kemi realizuar shumë reforma transformuese, që do të kenë impakt për shumë kohë në të ardhmen, që nga abetarja e përbashkët unike, përmirësimi i infrastrukturës arsimore, digjitalizimi e deri tek ndërkombëtarizimi i universiteteve.

Shumë faleminderit edhe çdo sportisti që ka ngritur lart flamurin kuqezi, duke na dhuruar krenari dhe emocione të paharruara me medaljet e fituara! Falë punës sonë të përbashkët, sportistët sot vlerësohen me më shumë dinjitet dhe Shqipëria është ngritur në një nivel të ri në arenën ndërkombëtare. Mirënjohje pa fund për Kryeministrin Edi Rama që më dha besim dhe mbështetje të pakursyer për ta përmbushur me sukses këtë mision të lartë! Jam e bindur që Ogerta do të vijojë në rrugën e reformave të nisura, për ta ngritur më lart cilësinë e arsimit dhe sportit, drejt standardeve më të mira bashkëkohore, siç e meritojnë fëmijët dhe të rinjtë tanë.

evis kushi

Sondazh

Poll

MË SHUMË