Sport

Mbappe i “i fal” bonusin e besnikërisë prej 100 mln. PSG-së, për t’u rikthyer në skuadër

Sipas “L’Equipe”, Kylian Mbappe do t'i “dhurojë” Parisit bonusin e besnikërisë, në vlerën 100 milionë euro, teksa ka arritur marrëveshje me drejtuesit e klubit.

5 Shtator 2023, 12:12 Nga DOSJA
Mbappe i “i fal” bonusin e besnikërisë prej 100 mln.

FRANCE - Sezoni i ri ka nisur dhe e ka gjetur Kylian Mbappe në Paris, pavarësisht përpjekjeve të klubit për ta bindur që të largohet në verë, për të mos vuajtur financiarisht, duke e lënë të lirë në vitin 2024.

Parizienët ende u përpoqën të bindin 24-vjeçarin për të rinovuar kontratën e tij. Megjithatë, sipas “L’Equipe”, Mbappe, i cili e ka bërë të qartë se nuk do të zgjasë partneritetin me klubin, ka vendosur të heqë dorë nga një bonus i madh besnikërie, që i takon sipas kontratës.

Kjo është një shumë prej 60 deri në 80 milionë euro për lojtarin. Megjithatë, nëse ky bonus nuk paguhet, Parisi do të kursejë më shumë se 100 milionë euro.

Ndaj, flitet për një fitim afërsisht të barabartë me atë që do të siguronte Parisi nëse do ta shiste superyllin francez.

Në thelb, të dyja palët u përpoqën të gjenin një “raport të artë” për të ecur së bashku këtë sezon. Vendimi i vullnetit të mirë të Mbappes u vlerësua nga Nasser Al Khelaifi, i cili e lejoi atë të rikthehej në skuadër.

Kujtojmë se 24-vjeçari stërvitej me skuadrën e dytë të klubit që prej datës 21 korrik, ndërkohë që mbeti jashtë premierës së ligës.

B.T (Dosja.al)

Sondazh

Poll

MË SHUMË