Sport

“Më trajtuan si përbindëshi i Firences”, ankohet Mancini. Miliona për të fshirë lotët

Roberto Mancini ka dhënë dorëheqjen nga kombëtarja italiane dhe është shpallur trajneri i ri i kombëtares së Arabisë Saudite. Në një bisedë telefonike me një gazetar, trajneri iu referua ashpër kritikave që i ranë në lidhje me vendimin e tij.

28 Gusht 2023, 22:04 Nga DOSJA
“Më trajtuan si përbindëshi i Firences”, ankohet

ITALI - Në mesin e gushtit, Roberto Mancini dha dorëheqjen nga kombëtarja italiane. Ai punoi atje për pesë vjet, kohë gjatë së cilës fitoi Kampionatin Evropian 2020, por në të njëjtën kohë nuk arriti të merrte pjesë në Kupën e Botës në Katar. 

Trajneri u kritikua në Itali se u largua kaq papritur nga skuadra. “Nuk kam ikur askund. Unë nuk kam vrarë njeri dhe meritoj respekt. Nuk mendoj se e meritoj gjithë baltën që më hidhet në rrugën time. Sapo dhashë dorëheqjen dhe thashë se ishte zgjedhja ime, mora përgjegjësinë e plotë për atë vendim”,- tha ai për “La Repubblica”.

Menjëherë pas kësaj, Mancini u bë zyrtarisht trajneri i ri i kombëtares së Arabisë Saudite, pavarësisht garancive, se largimi i tij nga ekipi kampion i Evropës nuk lidhej me një ofertë nga sauditët. Pak para shpalljes zyrtare të bashkëpunimit me skuadrën e re të Arabisë Saudite, ai iu përgjigj sërish kritikave. "Ata më trajtuan si përbindëshi i Firences,"- i tha ai, Italo Cucci të “Italpress” në një intervistë telefonike. Në këtë mënyrë, trajneri iu referua Pietro Paccianit, një vrasës serial i quajtur “Përbindëshi i Firences”. 

Roberto Mancini i është përkushtuar Arabisë Saudite deri në vitin 2027. Sipas kontratës, ai pritet të fitojë rreth 25 milionë euro në vit. "Jam i emocionuar të njoftoj përfshirjen time në kombëtaren saudite. Jam i lumtur dhe i nderuar që jam përzgjedhur për një rol kaq prestigjioz, që është një shprehje vlerësimi dhe mirënjohjeje për të gjithë punën e bërë ndër vite,"- shkroi ai në mediat sociale. 

Italiani do të debutojë në rolin e ri më 8 shtator. Më pas, Arabia Saudite do të përballet me Kosta Rikën në një ndeshje miqësore . 

B.T (Dosja.al)

Sondazh

Poll

MË SHUMË