Politike

Berisha: Duhet të ngrihemi në protesta për të ndërprerë këtë rreth vicioz, krimi shndërrohet në votë dhe vota në krim

Berisha u shpreh se në Shqipëri krimi po shëndërrohet në votë dhe e anasjellta.  

23 Gusht 2023, 12:03 Nga I.A
Berisha: Duhet të ngrihemi në protesta për të
Sali berisha

TIRANË- Kryetari i Partisë Demokratike Sali Berisha, i bëri thirrje qytetarëve të ngrihen në protesta, duke thënë se krimi po e çon shoqërinë në vetëvrasje. Në një tryezë të organizuar për lidhjet e krimit me politikën, Berisha u shpreh se në Shqipëri krimi po shëndërrohet në votë dhe e anasjellta.  

"Shoqëria shqiptare është në prag suicidi, nëse nuk ngrihet fuqishëm. Bota e krimit do e gërryejë në çdo qelizë të saj. McGonigal, Agron Neza, Dorian Duçka, kapnin biznesmenë në hotele, i gjobisnin dhe prokurori i shtetit mafioz thotë se është punë e shkuar. Pra, Xhevahirët janë në të gjitha këto institucione. Këta janë shndërruar në avoketër të tmerrshëm të krimit. Shesin dosje, shesin informacione. Bota e krimit ka shtrirë kthetrat në çdo gjë. Një javë më parë, nxorrën të gjithë të dhënat e TIMS. I dërguari direkt i Edi Ramës, Ervin Muça, një kriminel që urdhëroi punonjësit e policisë të hedhin të dhënat në USB. Disa refuzuan, por ai mori punonjës privat dhe të dhënat i mori.
Ku është sot? Aty ku është në detyrë sepse Taulant Balla shkoi pikërisht për këtë mision.

Në krye të shërbimit informativ është një njeri i shkarkuar nga qeveria e Kosovës se ka vjedhur dhe plaçkitur të dhënat. Pasi shkarkohet për këtë akt, ajo tani emërohet në krye të SHISH. Çfarë kredencialesh ka kjo? Kredenciale krimi. Nëse ka prekur të dhënat, dhe unë besoj plotësisht te zonja Osmani, ajo ka kryer një krim, për të cilin duhet të dënohet në Kosovë. Por këtu, kreu i Meduzës së krimit në rajon, e emëron në krye të SHISH. Çfarë mbetet atëherë? Mbetet qëndrimi i qytetarëve. Mbetet guximi i qytetarëve. Mbetet qëndrimi i opozitës, mbetet guximi i opozitës. Përndryshe unë e mbyll fjalën time duke u bërë thirrje që të qëndrojmë në front të fuqishëm, për të ndërprerë këtë rreth vicioz fatal ku krimi shndërrohet në votë dhe vota në krim," tha Berisha.

sali berisha

Sondazh

Poll

MË SHUMË