Politike

Berisha: Drejtësia është më kriminale se krimi! Amnistuan Beqajn edhe pse është përgjegjës për vdekjen e mijëra shqiptarëve

Berisha u shpreh se drejtësia me urdhër të qeverisë ka amnistuar Ilir Beqaj, i cili është përgjegjës për vdekjen e mijëra shqiptarëve.

23 Gusht 2023, 11:59 Nga DOSJA
Berisha: Drejtësia është më kriminale se krimi! Amnistuan
Sali Berisha

TIRANË- Kryetari i Partisë Demokratike, Sali Berisha, ka deklaruar se drejtësia është më kriminale se krimi. Në një tryezë të organizuar për lidhjet e krimit me politikën, Berisha u shpreh se drejtësia me urdhër të qeverisë ka amnistuar Ilir Beqaj, i cili është përgjegjës për vdekjen e mijëra shqiptarëve.

"Po drejtësia si është? Më kriminale se krimi. Lexuat ju për Xhevahirin, i cili shkonte dhe lironte Behar Bajrin, pasi kishte vrarë të fejuarën 15-vjeçare. Ky sistem i drejtësisë politikë është plot Xhevahirë. A nuk është Xhevahir ai që amniston Ilir Beqajn? Ilir Beqaj, që ka firmën e tij në të gjitha aktet vendimtare të sterilizimit, është përgjegjës për vdekjen e mijëra shqiptarëve. Ilir Beqaj, duke rritur 80 herë çmimin e procesit të sterilizimit, edhe pasi ka përvetësuar- se ndërmarrja është e Ilir Beqës, nuk ka dyshim- sterilizatorin e blerë 1.7 milionë euro, katin e spitalit, pasi ka firmosur për të marrë ujin dhe energjinë falas për ndërmarrjen e tij, çoi kostot dhe i bëri të papërballueshme dhe u urdhërua të shkurtoheshin 1 mijë operacione në muaj. Kush nuk u operua? Ai që pati para, shkoi te privati. Po ai që nuk pati mundësi? Shumë prej tyre shkuan në atë botë. Dhe ky prokuror, këta prokurorë të supozuar për elitë, de facto elitë krimi, nuk heton, nuk ngre padi ndaj këtij personi, nuk ngrenë padi ndaj McGonigal. Çfarë do thonë këta prokurorë, kur McGonigal pas dy javësh të pranojë fajin edhe për Shqipërinë? tha Berisha.

sali berisha

Sondazh

Poll

MË SHUMË