Politike

Berisha: Ardi Veliu ka vendosur linjë private të komunikimit me krimin dhe të survejimit të opozitës

Po ashtu theksoi se hetimi i Encrochat ka gjetur se në Shqipëri, krimi dhe pushteti janë një.

23 Gusht 2023, 11:49 Nga I.A
Berisha: Ardi Veliu ka vendosur linjë private të komunikimit me krimin
Sali Berisha

TIRANË- Kryetari i Partisë Demokrate, Sali Berisha, ka akuzuar drejtuesin e Agjencisë së Mbikëqyrjes Policore, Ardi Veliun. Në një tryezë të organizuar për lidhjet e krimit me politikën, Berisha u shpreh se Veliu ka vendosur një linjë private të komunikimit me krimin dhe të survejimit të opozitës. Po ashtu theksoi se hetimi i Encrochat ka gjetur se në Shqipëri, krimi dhe pushteti janë një.

"Çfarë është Ardi Veliu? Figura qendrore më e zezë e krimit në Policinë e Shtetit. Ardi Veliu ishte drejtor i Policisë së Tiranës. Ishte përzënë nga Policia e Shtetit për bashkëpunim në trafiqe dhe falsifikim dokumentesh. Bota e krimit e solli drejtor policië në Tiranë. Çfarë thotë Alesandro në biseda me mafiozin tjetër? Atij drejtorit ia mbushëm mirë koshat me derr të zi. Po çfarë ndodhi me Ardi Veliun? Pas transkriptimeve të publikuara në median shqiptare në vitin 2017, Ardi Veliu lartësohej në drejtor të përgjithshëm të policisë.

Ardi Veliu, pas një seri krimesh të shëmtuara publike, pas mashtrimesh në mbrojtje të krimit, siç është rasti i vrasjes së Rashës, i beson Edi Rama shërbimin inteligjent të Policisë së Shtetit. Çfarë ka bërë Ardi Veliu? Ka vendosur linjë private të komunikimit me krimin, të survejimit të opozitës, të survejimit të kundërshtarëve politikë nga Oltian Bistro me shokë. Dhe tani lan duart. Në EncroChat janë 60 oficerë kryesorë policie, të gjithë në regjistrime në bashkëpunim të ngushtë me krimin. Hetimi i Encrochat ka gjetur se në Shqipëri, krimi dhe pushteti janë një, janë të shkrirë," tha Berisha.

sali berisha ardi veliut

Sondazh

Poll

MË SHUMË