Sport

PRO DHE KUNDER/ Rummenigge i ve flakën Gjermanisë: "Unë kam puthur burra"…

Ish-CEO i Bayernit dhe anëtar i komitetit ekzekutiv të UEFA-s nuk i kupton kritikat ndaj presidentit të RFEF, pas puthjes me Hermoso.

22 Gusht 2023, 16:02 Nga DOSJA

GJERMANI - Në mes të një vale kritikash ndaj Luis Rubiales, presidentit të Federatës Mbretërore të Futbollit Spanjol, pas puthjes së tij fatkeqe në buzë të Jenni Hermoso-s sapo, Spanja u shpall kampion bote në Australi, Karl-Heinz Rummenigge u shfaq për të mbështetur shefin të RFEF. 

Nga këndvështrimi i ish-drejtorit ekzekutiv të Bayern Munichut dhe tashmë anëtar i komitetit ekzekutiv të UEFA-s, gjesti i Rubiales nuk është i qortueshëm, prandaj ai nuk e kupton bujën e shkaktuar.

“Nuk mendoj se duhet të ekzagjerojmë”, ishin fjalët e ish-sulmuesit mitik gjatë një ceremonie të ndarjes së çmimeve në Hamburg. “Kur e shpall veten kampion bote, emocionohesh. Dhe ajo që ai bëri atje ishte, me gjithë respektin e duhur, absolutisht në rregull. Mbaj mend që kur fituam Champions League herën e fundit, unë arrita të puth burrat, jo në gojë, por me gëzim”,- përfundoi Rummenigge, i cili gjithashtu e bëri të qartë se ruan një marrëdhënie miqësore me Rubiales.

PRO DHE KUNDER/ Rummenigge i ve flakën Gjermanisë: "Unë kam

Deklaratat e tij u kritikuan shpejt në Gjermani. Donata Hopfen, ish-CEO i organit të ligës DFL, tha: “Nëse të dy nuk po ndjekin të njëjtin qëllim, është sjellje shumë e vështirë.  Dhe, nga këndvështrimi im, nuk është e pranueshme dhe kështu është komentuar. Mund të jetë invazive dhe kështu është perceptuar”. Bernd Neuendorf, president i federatës gjermane të DFB-së, shtoi për “DPA”: “E imagjinoja të isha në një situatë të ngjashme: nuk mendoj se do të kisha vepruar kështu”.

B.T (Dosja.al)

Sondazh

Poll