Sport

Manchester United mohon vendimin për rikthimin e Greenwood

Tema e rikthimit të mundshëm të Mason Greenwood në skuadër është sërish në lajmet angleze, me klubin që pretendon se për momentin nuk ka marrë ndonjë vendim përkatës.

16 Gusht 2023, 18:51 Nga DOSJA

Manchester United mohon vendimin për rikthimin e Greenwood

ANGLI - Manchester United e ka vënë në “peshore” çështjen e Mason Greenwood që nga shkurti,  kur u hoqën të gjitha akuzat ndaj tij për sulm seksual.

Pasditen e së mërkurës (16/08), një raport ekskluziv i “Athletic” foli për një vendim që po merrej në lidhje me të ardhmen e të riut anglez. Madje, ai tha se drejtori menaxhues i klubit i ka njoftuar drejtuesit e skuadrës se 21-vjeçari do të bëhet pjesëtar aktiv i “Djajve të Kuq”.

Nga ana e tij, megjithatë, klubi nxitoi, thuajse menjëherë, për të mohuar se një gjë e tillë është e vërtetë. “Ndryshe nga spekulimet e mediave, ky vendim ende nuk është marrë dhe aktualisht është objekt i një diskutimi intensiv të brendshëm. 

Pasi të merret, vendimi do t'i komunikohet dhe sqarohet organeve të brendshme dhe të jashtme të klubit”,- thuhet ndër të tjera në njoftimin zyrtar të Manchester United për këtë çështje.

B.T (Dosja.al)

Sondazh

Poll

MË SHUMË