Sport

Bayern Munich nuk heq dorë nga Harry Kane - dërgon një ofertë tjetër të përmirësuar...

Në “Allianz Arena” e duan me çdo kusht sulmuesin anglez

9 Gusht 2023, 13:00 Nga DOSJA
Bayern Munich nuk heq dorë nga Harry Kane - dërgon një

ANGLI - Kolosi gjerman i Bayern Munichut bëri një ofertë të re për sulmuesin e Tottenham, Harry Kane. Dukej sikur bavarezët do të hiqnin dorë nga sulmuesi, pasi Spurs refuzuan ofertën e tyre, e cila u tha se ishte përfundimtare javën e kaluar. 

Megjithatë, drejtuesit e Bayernit bënë një ofertë prej 110 milionë euro plus bonuse, që është 10 milionë më e lartë se oferta e tyre e mëparshme për Kane.

Bayern e di mirë se Kane ka vendosur një afat për realizimin e transferimit. Kjo ndodh para ndeshjes së parë të Tottenham në sezonin 2023/24 në Premier League. Tottenham do të përballet me Brentford të dielën. Gjigantët bavarezë vazhdojnë përpjekjet e tyre për të bindur drejtuesit e klubit londinez që ta shesin sulmuesin yll.

Në këtë fazë, megjithatë, shanset për një marrëveshje për transferimin e Kane nga Tottenham në Bayern janë të pakta. Presidenti i klubit londinez, Daniel Levy, thuajse me siguri do ta refuzojë këtë ofertë, çka do të thotë se Kane do të qëndrojë në Tottenham edhe në sezonin e ri. 

Kontrata e Kane do të përfundojë verën e ardhshme dhe nëse ai dëshiron, ai mund të largohet nga Spurs si lojtar i lirë.

B.T (Dosja.al)

Sondazh

Poll

MË SHUMË