Sport

Claudio Ranieri: “Cagliari do të jetë skuadra e fundit që do të drejtoj”...

Trajneri 71-vjeçar nuk e ka mbyllur ende derën për një propozim të mundshëm për një kombëtare

9 Gusht 2023, 10:30 Nga DOSJA
Claudio Ranieri: “Cagliari do të jetë skuadra e fundit që

ITALI - Claudio Ranieri zbuloi se Cagliari do të jetë skuadra e fundit që do të drejtojë si trajner futbolli. Në një intervistë për ‘La Repubblica’, trajneri 71-vjeçar nuk ia mbylli derën një propozimi të mundshëm interesant nga një kombëtare.

"Vendosa që Cagliari të jetë skuadra e fundit që do të drejtoj. Bëj një përjashtim vetëm për një propozim ndërkombëtar intrigues dhe saktësoj se nuk jam në garë për stolin e kombëtares italiane. Do të ndalem te Cagliari, por nuk e di kur”,- është shprehur Ranieri, i cili drejton klubin e promovuar së fundmi në Serie A që nga fillimi i janarit të kaluar.

Trajneri italian, i cili e udhëhoqi Leicesterin drejt një suksesi befasues në Premier League në sezonin 2015/16, shpjegoi gjithashtu se pse ai synon të përfundojë karrierën e tij në nivel klubi me Cagliari. “Sinqerisht ky është vendi i duhur për t'u ndalur, ndihem sikur më në fund do të mbyll një cikël. Karriera ime filloi këtu, sepse kur Cagliari më thirri duke vënë bast për një të ri pa përvojë, 35 vjet më parë, ishte basti. e jetës sime”, pranoi ai tekniku, i cili kishte trajnuar tashmë stemën italiane në vitet 1988-1991.

B.T (Dosja.al)

Sondazh

Poll

MË SHUMË