Politike

Bardhi-Ramës:Makiazhi mbi fytyrën e korrupsionit s’e ndryshon realitetin e keqqeverisjes

Bardhi thotë se rikonceptimi i qeverisjes nis nga respekti për votën e lirë, nga largimi i kreut të qeverisë më të korruptuar dhe të lidhur me krimin e organizuar në Europë.

29 Korrik 2023, 14:15 Nga A.B

Bardhi-Ramës:Makiazhi mbi fytyrën e korrupsionit s’e ndryshon

TIRANË- Deputeti i PD Gazment Bardhi ka reaguar pas deklaratës së bërë nga kryeminstri Edi Rama për rikonceptimin dhe riorganizimin e procesit qeverisës, pas mbledhjes së kabinetit qeveritar në Tepelenë. Bardhi thotë se rikonceptimi i qeverisjes nis nga respekti për votën e lirë, nga largimi i kreut të qeverisë më të korruptuar dhe të lidhur me krimin e organizuar në Europë.

“Rikonceptimi i qeverisjes nis nga respekti për votën e lirë, nga largimi i kreut të qeverisë më të korruptuar dhe të lidhur me krimin e organizuar në Europë, me vendosjen para drejtësisë të të korruptuarve. Makiazhi mbi fytyrën e korrupsionit nuk e ndryshon realitetin e keqqeverisjes që po vuajnë çdo ditë qytetarët.

Sot Edi Rama është kreu i një grupi parlamentar që ka në përbërje të tij një të arratisur të shpallur në kërkim ndërkombëtar nga drejtësia. Shqiptarët kërkojnë zgjidhje. E vetmja zgjidhje është largimi i Edi Ramës dhe mbajtja e tij përgjegjës për korrupsionin dhe lidhjet me krimin e organizuar”, shkruan Bardhi.

gazment bardhi edi rama

Sondazh

Poll

MË SHUMË