Politike

Rama: E-Albania do komunikojë me qytetarët falë inteligjencës artificiale, ndryshime dhe tek Prokurimet Publike

Kreu i qeverisë tha se do të ndryshojnë tërësisht dhe Prokurimet Publike.

29 Korrik 2023, 13:38 Nga A.B
Rama: E-Albania do komunikojë me qytetarët falë
Edi Rama

TIRANË- Kryeministri Edi Rama deklaroi se shërbimi e-Albania brenda vitit do të transformohet brenda vitit, duke u përmirësuar më shumë inteligjenca artificiale. Kreu i qeverisë tha se do të ndryshojnë tërësisht dhe Prokurimet Publike.

“Ne kemi në proces të integrimit europian që kërkon që të bëjmë disa ligje. Prokurimet publike në Shqipëri kanë ende problematike, ndonëse janë në nivel tjetër siç ishim më parë. Ato prodhojnë stres, padrejtësi dhe një pjesë të perceptimit të qytetarëve për vendin. Kemi nxjerrë një ligj të ri, do të ndryshojmë tërësisht Prokurimet Publike. Jemi duke transformuar E-Albania, e cila pas pushimeve do të komunikojë me qytetarët. Qytetari që do të hyjë në E-albania do të jetë i shoqëruar nga inteligjenca artificiale, sikur të ishte shoqëruar nga një person fizik. Brenda vitit do të kemi dhe shoqëruesin virtual me zë dhe figurë, në E-Albania. E-Albania nuk do të jetë më thjesht me zë dhe shkrim, por do të marrësh me faceup, ku do të orientoheni duke ju thënë ku do të klikoni. Këtë proces do ta shtrijmë në çdo sektor, dhe në drejtësi. Kjo do të ndihmojë sistemin e drejtësisë dhe rritjen e transparencës. Janë shumë gjëra duke u gatuar, por këto kërkojnë njeriun, forcën njerëzore.”, tha Rama.

edi rama

Sondazh

Poll

MË SHUMË