Aktualitet

Pastrim parash dhe kontrabandë/ Hetuesit francezë mbërrijnë në SPAK, marrin dëshmitë. Mes të akuzuarve edhe ish-shoferi i Ardi Veliut

Marrja në pyetje është bërë në ambientet e Strukturës së Posaçme kundër Korrupsionit dhe Krimit të Organizuar.

23 Korrik 2023, 17:58 Nga k.m.
Pastrim parash dhe kontrabandë/ Hetuesit francezë mbërrijnë
Sokol Idrizaj

TIRANË- Hetues francezë kanë ardhur në Tiranë për të marrë pjesë vetë në procesin e marrjes në pyetje të të arrestuarve për rrjetin e kontrabandës së shitjes së florit. Marrja në pyetje është bërë në ambientet e Strukturës së Posaçme kundër Korrupsionit dhe Krimit të Organizuar.

Sipas "TvKlan", hetuesit francezë kërkuan të dhëna mbi rolin e gjithësecilit dhe njohjet që këta persona kanë me të tjerë shtetas të identifikuar në Francë. Në grup ishte i përfshirë edhe shoferi i Ardi Veliut, Sokol Idrizaj dhe familjarët e tij, gruaja dhe vajzat.

Ata ishin një grup i strukturuar kriminal, me bazë në rajonin e Reventin Vaugris, në juglindje të Francës. Baza e tyre ishte një hotel në qytetin Villeurbane, ku grumbullonin të gjitha bizhutë e shtrenjta që grabisnin gjatë muajit. SPAK pretendon se grupi kaluar ilegalisht mbi 2 milionë Euro dhe 35 mijë Franga, si dhe 3.4 kg sende të çmuara flori. Gjykata la në arrest në burg pesë persona, në mesin e të cilëve edhe ish-shoferin e Ardi Veliut, Sokol Idrizajn, ndërsa të akuzuarit e tjerë janë lënë në masën e sigurisë "arrest shtëpie".

sokol idrizaj tirane

Sondazh

Poll

MË SHUMË