Politike

SPAK kërkon arrestimin e tij, deklarata e Ahmetajt: Unë dal në punë për vendin dhe Kryeministrin tim

Ahmetaj deklaronte se dy gjëra e motivonin të çohej në mëngjes për të shkuar në punë, atdheu dhe Edi Rama.

20 Korrik 2023, 07:54 Nga A.B
SPAK kërkon arrestimin e tij, deklarata e Ahmetajt: Unë dal në
Arben Ahmetaj

TIRANË- Ish-zv.kryeministri Arben Ahmetaj akuzohet për korrupsion, fshehje të pasurisë dhe pastrimit të parave. Teksa kërkesa e SPAK për arrestimin e tij mori miratimin e Kuvendit, ai ndodhet jashtë Shqipërisë, por kohë më parë, ai është shprehur: Unë dal në punë për të mos zhgënjyer vendin tim dhe kryeministrin tim. 

Në videon e emisionin “Dola te Ola”, Ahmetaj deklaronte se dy gjëra e motivonin të çohej në mëngjes për të shkuar në punë, atdheu dhe Edi Rama.

“Unë ia u them punonjësve të mi, ua them, ia kam thënë edhe në ministri të Financave edhe sot. Ua them, unë dal nga shtëpia në punë për dy arsye, dhe njerëzit kur e dëgjojnë, se jo të gjithë e besojnë e quajnë si servilizëm. Kush më njeh vërtetë e di shumë mirë që unë nuk jam aspak. Madje e kundërta.

Unë dal për dy arsye, e para për vendin tim, pavarësisht se duket, s’duket. Dhe unë dal për kryeministrin tim. Unë nuk dua të zhgënjej as vendin tim as kryeministrin tim. Llafe, sharje, bolori, të gjitha. Unë dal që të mos zhgënjej vendin tim dhe kryeministrin tim që më ka dhënë besim”, deklaronte në atë kohë Ahmetaj.

arben ahmetaj

Sondazh

Poll

MË SHUMË