Bota

Takimi me Vuçiç në Bruksel/ Stoltenberg: Të dyja palët të përmbahen nga tensionet dhe të rifillojnë dialogun

Ai ka rikujtuar se NATO-ja ka rritur prezencën e misionit të saj në Kosovë, KFOR, për shkak të tensioneve të fundit në veri.

19 Korrik 2023, 20:12 Nga a.l
Takimi me Vuçiç në Bruksel/ Stoltenberg: Të dyja
Aleksandër Vuçiç dhe Jens Stoltenberg

BRUKSEL- Sekretari i Përgjithshëm i NATO-s, Jens Stolteberg pas takimit me presidentin serb Aleksandër Vuçiç në Bruksel ka deklaruar se është shumë e rëndësishme që të ulen tensionet në Kosovë dhe që të dyja palët të përmbahen nga dhuna.

“Ne besojmë se dialogu [mes Kosovës dhe Serbisë] duhet të rifillojë”, ka shtuar ai.

Ai ka rikujtuar se NATO-ja ka rritur prezencën e misionit të saj në Kosovë, KFOR, për shkak të tensioneve të fundit në veri.

“Ne do të vazhdojmë ta ruajmë paqen, siç e parasheh mandati ynë”, ka thënë Stoltenberg. 

Ai ka shtuar se forcat e NATO-s do të jenë aty për të kryer mandatin që e parashohin Kombet e Bashkuara.

Ky takim është zhvilluar pas marrëveshjes së arritur më 10 korrik ndërmjet Bashkimit Evropian dhe Kosovës për shtensionimin e situatës në komunat veriore të banuara me shumicë serbe. Qeveria e Kosovës tashmë ka ulur për 25 për qind praninë e forcave policore në ndërtesat komunale dhe është pajtuar të mbështesë mbajtjen e zgjedhjeve të reja në veri. Tensionet u rritën në fund të muajit maj kur kryetarët shqiptarë të komunave veriore të Kosovës, morën detyrën me mbështetjen e policisë pas zgjedhjeve lokale të muajit prill të cilat u bojkotuan nga serbët.

aleksander vucic jens stoltenberg

Sondazh

Poll

MË SHUMË