Sport

Vjen vendimi zyrtar, Superiorja ndryshon formulë, duke filluar nga ky sezon!...

Nga këto 3 ndeshje shtesë, do të shpallet skuadra kampione e vendit dhe ajo që do të luajë në Champions League vitin e ardhshëm, ndërkohë që skuadrat e tjera do të luajnë për vendet në Conference League.

18 Korrik 2023, 16:04 Nga DOSJA
Vjen vendimi zyrtar, Superiorja ndryshon formulë, duke filluar nga ky

TIRANE - Tashmë është zyrtare, të 10 skuadrat e kategorisë Superiore të futbollit shqiptar kanë rënë dakord me ndryshimin e skemës së futbollit shqiptar, duke filluar nga ky edicion.

Ashtu siç ishte diskutuar në mbledhjen e shkuar, presidentët e klubeve kanë rënë dakord, që skemës aktuale me 4 faza, t’i shtohet edhe “Final Four”, që do të thotë se 4 skuadrat e para, do të zhvillojnë edhe tre ndeshje të tjera, ku vendi i parë do të luajë me vendin e katërt dhe i vendi i dytë me vendin e tretë, për të zhvilluar edhe një finale të madhe.

Nga këto 3 ndeshje shtesë, do të shpallet skuadra kampione e vendit dhe ajo që do të luajë në Champions League vitin e ardhshëm, ndërkohë që skuadrat e tjera do të luajnë për vendet në Conference League.

Gjithsesi, skuadra që do të grumbullojë më tepër pike, në 4 fazat e kampionatit do të ketë një bonus financiar prej 100 milionë lekësh.

Sa i përket përfitimeve 4 skuadrat e “Final Four” do të përfitojnë financiarisht edhe nga shitja e biletave të këtyre tre ndeshjeve, e drejta televizive ekstra dhe një marketing ekstra që do t’i bëhet këtyre ndeshjeve, përfitimet e së cilave do të ndahen me skemën 60% mes skuadrave të “Final Four” dhe 40% për gjashtë skuadrat e tjera jashtë kësaj faze finale.

B.T (Dosja.al)

Sondazh

Poll

MË SHUMË