Sport

I akuzuar për përdhunim, prokurori sulmon Benjamin Mendy, për oreksin e tij seksual dhe mospranimin e "Jo"-së te gratë

"Benjamin Mendy kishte fjetur me mijëra. Ai ishte mësuar që gratë të thoshin "Po", por ky rast ka të bëjë me atë që ai bëri kur gratë thoshin "Jo".

12 Korrik 2023, 11:40 Nga DOSJA

I akuzuar për përdhunim, prokurori sulmon Benjamin Mendy, për

ANGLI - Prokurori Benjamín Aina akuzoi Benjamin Mendy, një mbrojtës francez për të cilën Manchester City pagoi më shumë se 57 milionë në 2017, i cili edhe pse në janar 2023 u shpall i pafajshëm për gjashtë akuza për përdhunim, ka dalë përsëri para gjykatës për një akuzë për përdhunim dhe një akuzë për tentativë përdhunimi.

Prokuroria ka dashur të nxjerrë në pah oreksin seksual dhe kontrollin e ushtruar nga futbollisti, për të cilin, sipas Ainës, “fjala “Jo” nuk figuron në fjalorin e tij”.

"Benjamin Mendy kishte pasuri, pozitë në shoqëri dhe akses ndaj grave, që donin të ishin në shoqërinë e tij dhe, siç tha ai, kishte fjetur me mijëra prej tyre. Ai ishte mësuar që gratë të thoshin 'Po', por ky rast ka të bëjë me atë, kur njëra nga gratë tha “Jo”. Si e përballon egoja juaj “Jo”-në?” argumentoi prokurori para trupit gjykues, fjalë të riprodhuara nga gazeta “The Sun”.

“Ai nuk kujdeset për ndjenjat, apo këndvështrimet e femrave, përveç nëse ato përputhen me atë që ai ndjen”,- tha Aina për Benjamín Mendy. “Nëse ato nuk e miratojnë stilin e jetesës së zotit Mendy, nuk është arsye për të arritur një vendim të kundërt”.

I akuzuar për përdhunim, prokurori sulmon Benjamin Mendy, për

Gjykatësi Steven Everett iu desh t'i kujtonte jurisë se gjyqi i lojtarit të Manchester City "nuk ishte një gjykatë e moralit".

"Ju keni dëgjuar për qasjen e zotit Mendy ndaj grave në përgjithësi. Ju lutemi mbani mend se kjo është një gjykatë ligjore dhe jo një gjykatë morale. Nëse arrini në përfundimin se nuk e miratoni stilin e jetës së zotit Mendy, nuk ka asnjë arsye për të marrë një vendim të kundërt”,- u shpjegoi gjyqtari gjashtë burrave dhe gjashtë grave që janë pjesë e jurisë së gjykatës.

B.T (Dosja.al)

Sondazh

Poll

MË SHUMË