Sport

Shpërthen sëmundja e rrallë në Peru, vendi latino-amerikan në emergjencë kombëtare! Kupa e CONMEBOL në rrezik…

Corinthians i shqetësuar, ndërkohë që Conmebol po ndjek situatën

11 Korrik 2023, 13:40 Nga DOSJA
Shpërthen sëmundja e rrallë në Peru, vendi latino-amerikan

BRAZIL - Corinthians është shumë i shqetësuar për situatën shëndetësore në Peru, për shkak të shpërthimit të Guillain-Barré që po mundon vendin latino-amerikan. 

Sipas ESPN Brasil, në rrezik për të mos u zhvilluar është ndeshja kundër Universitários, më 18 të këtij muaji, takimi i kthimit i 1/16-tës së Kupës së Amerikës së Jugut. Conmebol (Konfederata e Futbollit të Amerikës së Jugut) po ndjek evolucionin e situatës.

Peruja është viktimë e një shpërthimi të sindromës Guillain-Barré, një sëmundje e rrallë dhe serioze neurologjike, që sulmon sistemin imunitar dhe nervor periferik, duke rezultuar në inflamacion të nervave dhe dobësim progresiv të muskujve, që mund të çojë edhe në paralizë në rastet më akute.  Të dielën e kaluar, vendi shpalli një emergjencë kombëtare shëndetësore, pasi u konfirmua vdekja e katër personave.

Kjo është arsyeja pse zyrtarët e Corinthians janë të shqetësuar, pasi ata duhet të udhëtojnë në Lima javën e ardhshme. Conmebol, shton ESPN Brasil, po ndjek zhvillimin e ngjarjeve. Nëse ndeshja nuk mund të zhvillohet në Peru, ekziston mundësia që të luhet në një vend neutral. Paraguaj është një hipotezë.

B.T (Dosja.al)

Sondazh

Poll