Sport

Lajm i mirë për Bayern Munich! Neuer po përparon me rikuperimin e tij...

Dëmtimi i gardianit shkaktoi probleme serioze për klubin bavarez

11 Korrik 2023, 11:40 Nga DOSJA
Lajm i mirë për Bayern Munich! Neuer po përparon me rikuperimin e

GJERMANI - Portieri i Bayern Munichut, Manuel Neuer, vazhdon rikuperimin e suksesshëm nga dëmtimi i rëndë që mori në dimmer, teksa po bënte ski në një nga pushimet e tij, raporton “Sky Sports”. 

Me dëmtimin e tij qesharak, gardiani bavarez tërhoqi zemërimin e drejtuesve, të cilët deklaruan se akti i tij ishte joprofesional. Madje ata shkarkuan trajnerin e portierëve, me të cilin Neuer ishte shumë i afërt dhe morën Jan Sommer, i cili do të vinte në pikëpyetje vendin e titullarit të gjermanit.

Megjithatë, ky plan aktualisht nuk po funksionon, pasi Sommer nuk është i gatshëm të qëndrojë në Bayern, pasi Neuer rikuperohet nga lëndimi dhe preferon të zëvendësojë  Andre Onanën te Inter. Madje në kontratën e zviceranit ka një klauzolë, sipas së cilës çdo klub i interesuar për të mund t'i blejë të drejtat e tij deri në 9 milionë euro.

Për momentin, megjithatë, Bayern ende ka nevojë për Sommer, pasi është e paqartë nëse Neuer do të jetë i aftë për fillimin e sezonit të ardhshëm. Ai humbi kampin e shkurtër pesë-ditor të ekipit, i cili filloi të premten në liqenin Tegernsee dhe mbetet i diskutueshëm për turneun parasezonal të bavarezëve në Azi që fillon më 24 korrik.

Megjithatë, Neuer inkurajoi tifozët e skuadrës dhe bëri të ditur se gjendja e tij është mjaft e mirë. “U ndjeva mirë. Lëndimi largohet me kalimin e kohës”, tha ai pas stërvitjes individuale që zhvilloi dje.

B.T (Dosja.al)

Sondazh

Poll

MË SHUMË