Sport

Joao Felix i pasigurtë në Madrid, hapet një opsion për të kaluar te Benfica…

Skuadra portugeze e Lisbonës mund të marrë një tjetër yll të madh këtë verë, pas argjentinasit Angel Di Maria

11 Korrik 2023, 11:00 Nga DOSJA
Joao Felix i pasigurtë në Madrid, hapet një opsion për

PORTUGALI - Lojtari i kombëtares portugeze Joao Felix mund të rikthehet te Benfica, pretendon botimi “Record”. Gjigantët e futbollit luzitan po tregojnë interes serioz për lojtarin e Atlético Madrid. Dëshira e Benfica-s është të marrë në huazim Joao Felix-in për një sezon.

Felix erdhi te Atletico Madrid nga Benfica për 127 milionë euro. Gjatë kohës së tij me ekipin e parë të Benficas, Joao Felix bëri 26 ndeshje me 15 gola. Karriera e portugezit në Madrid nisi mirë, por në sezonin e fundit ai nuk ishte në marrëdhënie të mira me trajnerin e ‘bardhekuqve’ Diego Simeone.

Në gjysmën e dytë të sezonit 2022/23, Joao Felix luajti për Chelsean si lojtar i huazuar.  Felix mori pjesë në 20 ndeshje, në të cilat shënoi 4 gola. Gjithsesi skuadra londineze hoqi dorë nga opsioni për ta blerë portugezin.

Për momentin, Joao Felix ka një të ardhme të pasigurt te Atletico Madrid. Nuk ka dyshim se futbollisti ka një talent të madh, por nëse nuk ngroh marrëdhëniet me Cholo Simeone, atëherë vështirë se do të luajë për klubin madrilen.

B.T (Dosja.al)

Sondazh

Poll

MË SHUMË