Sport

“Drogba i ri” do të luajë në Bundesligë sezonin e ardhshëm...

Talenti i Chelsea, David Datro Fofana është lidhur me një transferim te Union Berlin

11 Korrik 2023, 12:40 Nga DOSJA

“Drogba i ri” do të luajë në Bundesligë sezonin

ANGLI - I ashtuquajturi “Drogba i ri”, David Fofana, i cili gjithashtu vjen nga Bregu i Fildishtë, është në prag të një lëvizjeje te Union Berlin, raporton Florian Plettenberg. Sulmuesi i Chelseat, i cili u nënshkrua në fillim të sezonit të kaluar, do të transferohet në kryeqytetin gjerman në formë huazimi, ku nuk do të ketë opsion blerjeje.

Arsyeja për këtë është se Chelsea beson se Fofana mund të arrijë vërtet nivelin e bashkatdhetarit të tij legjendar, nëse i jepen më shumë shanse për t'u paraqitur, gjë që aktualisht nuk është e mundur në “Stamford Bridge”.

Blutë nga Londra kanë paguar 12 milionë euro për shërbimet e Fofanës te Molde në verën e vitit 2022. Ai ishte pjesë e dritares së transferimit të mbushur me yje të pronarit të ri të Chelseat, Todd Bowley dhe për fat të keq për të, si shumë nga shokët e tij të skuadrës, ai nuk mori kohë të mjaftueshme për të luajtur në sezonin e tij të parë.

Megjithatë, kjo nuk duhet ta dekurajojë Fofanën, pasi është vetëm 20 vjeç. Lojtari i Bregut të Fildishtë shquhet për forcën dhe fuqinë e tij të lakmueshme, si dhe për lojën e tij të rrezikshme në përfundim dhe në drejtim.

Në përbërjen e Union Berlin, ai do të jetë në gjendje të zbulojë potencialin e tij të plotë dhe të marrë cilësi dhe përvojë të rëndësishme, që do t'i nevojiten nëse dëshiron të luajë në Premier League.

Ai madje do të ketë mundësinë të provojë veten në Champions League, ndryshe nga shokët e tij të skuadrës në Chelsea, pasi Union Berlin u kualifikua në 'turneun e të pasurve' dhe Chelsea nuk arriti të kualifikohej në asnjë nga tre turnetë e UEFA-s.

B.T (Dosja.al)