Sport

Al Nassr, tani në Algarve për të filluar para-sezonin. Yjet vijnë më vonë...

Nëse braziliani Anderson Talisca, duhet t'i bashkohet kampit stërvitor më vonë këtë javë, portugezi Cristiano Ronaldo dhe kroati Brozovic, nënshkrimi më i fundit për Al Nassr, do të jenë të disponueshëm vetëm javën e ardhshme.

4 Korrik 2023, 11:40 Nga DOSJA
Al Nassr, tani në Algarve për të filluar para-sezonin. Yjet

PORTUGALI - Pa yjet kryesorë dhe pa trajnerin e ri, Luís Castro, i cili ende nuk është shpallur zyrtarisht, skuadra saudite Al Nassr ka mbërritur në Algarve në një kamp tre-javor stërvitor para-sezonal, i cili përfshin edhe katër ndeshje përgatitore.

Ai kaloi pothuajse pa u vënë re në aeroportin Faro. Delegacioni saudit, i cili u largua nga Riadi dhe bëri një ndalesë në Palma de Mallorca, mbërriti rreth orës 18:35 të së hënës dhe u nis menjëherë për në resortin Albufeira, ku do të qëndrojë deri më 21 korrik.

Nëse braziliani Anderson Talisca, duhet t'i bashkohet kampit stërvitor më vonë këtë javë, portugezi Cristiano Ronaldo dhe kroati Brozovic, nënshkrimi më i fundit për Al Nassr, do të jenë të disponueshëm vetëm javën e ardhshme, pasi janë me pushime nga që luajtën për ekipet e tyre kombëtare përkatëse në fund të qershorit.

Prandaj, dy yjet kryesorë do të jenë jashtë planeve të Luís Castros për ndeshjen e parë përgatitore të planifikuar kundër Alverca, nga Liga 3, që do të luhet në Estádio Municipal de Albufeira, të hënën e ardhshme. Më pas vijon ndeshja kundër Farense, në datën 14, në Estádio Algarve, vend që do të presi edhe dy ndeshjet e Al Nassr në kuadër të trofeut ‘Algarve’, kundër Celta Vigo (17) dhe Benfica (20).

I ardhur nga Brazili, Luís Castro, i bashkohet Al Nassr në mbrëmje. Pavarësisht se nuk është zyrtarizuar ende si trajneri i ri i skuadrës saudite të Cristiano Ronaldos, një situatë që duhet të ndodhë në çdo moment, portugezi 61-vjeçar mund të ofrojë edhe seancën e parë stërvitore për skuadrën e re sot.

Portugezi largohet nga Botafogo në Brazil dhe përqafon një projekt në Lindjen e Mesme që do t'i sigurojë atij një pagë princërore, 6 milionë euro të pastër në vit. Luís Castro do të ketë mundësinë të stërvit CR7, duke mbërritur në një klub që ka vënë shumë baste për nënshkrimet. Objektivi është i qartë: të arrihet hegjemonia në Arabi.

B.T (Dosja.al)

Sondazh

Poll

MË SHUMË