Sport

Mauricio Pochettino nis një “epokë” të re te Chelsea. Rrugën e ka të qartë…

Tekniku argjentinas filloi punën në Cobham, selinë stërvitore të Chelsea

4 Korrik 2023, 11:20 Nga DOSJA
Mauricio Pochettino nis një “epokë” të re te Chelsea.

ANGLI - Më shumë se një muaj pasi u shpall si trajneri i ri i Chelseat, Mauricio Pochettino dje nisi një epokë të re në Chelsea. Në hapat e parë në Cobham (qendra stërvitore e klubit), trajneri argjentinas bëri një fjalim ambicioz. 

"Historia e këtij klubi ka qenë gjithmonë të fitojë dhe të jetë në krye. Sigurisht që në futboll ka ulje dhe ngritje, por Chelsea është një klub ku është e papranueshme të ketë ato ulje dhe ngritje. Ne duhet të sigurohemi që ta bëjmë klubin të jetë në krye, sepse kështu duhet të jetë”,- tha trajneri 51-vjeçar në një intervistë për uebsajtin e bluve.

"Ne jemi shumë të emocionuar. Unë e njoh Chelsean shumë mirë, ata janë një nga klubet më të mëdha në botë. Kështu që ishte një vendim i lehtë për të ardhur këtu. Tani që jemi këtu, ne do të punojmë shumë. Qëllimi im është të bëj që skuadra të luajë në një mënyrë që tifozët ta shijojnë futbollin. Kjo është gjëja më e rëndësishme.

Një futboll pozitiv dhe lider, i kombinuar me rezultate në fushë",- shtoi Pochettino, i cili është rikthyer në aksion pas një sezoni, pasi u largua nga PSG në fund të 2021/22. Ky është edhe një rikthim i argjentinasit në Angli, ku ka drejtuar edhe Southtampton (2013-2014) dhe Tottenham (2014-2019).

B.T (Dosja.al)

Sondazh

Poll

MË SHUMË