Sport

Leão dhe transfertat e zhurmshme të sauditëve: "Cristiano më kishte thënë..."

Sulmuesi i Milanit kujton bisedat me kapitenin e kombëtares luzitane

4 Korrik 2023, 10:30 Nga DOSJA
Leão dhe transfertat e zhurmshme të sauditëve: "Cristiano

PORTUGALI - Rafael Leão shprehet se ai nuk ishte krejtësisht i befasuar nga nënshkrimet e fundit të bëra nga klubet saudite, sepse ai e kishte marrë një 'paralajmërim' nga Cristiano Ronaldo. Zbulimin e ka bërë vetë sulmuesi i Milanit në videon më të fundit të shpërndarë në rrjetin social YouTube, ku u përgjigjet disa pyetjeve të fansave të tij.

“A jam i befasuar?... Nuk jam i befasuar... Pak a shumë! Sepse kam folur me Cristianon për kampionatin saudit, kur luajtëm ndaj Interit (Superkupën e Italisë, në janar) dhe ai më tha “lojtarë të mëdhenj do të vijë së shpejti këtu, në Arabi".

“Kështu që pak a shumë isha i vetëdijshëm se tregu arab do të revolucionarizohej, sepse ata kanë fuqi shumë të madhe financiare. Dhe Cristiano më tha gjithashtu se liga saudite do të bëhet shumë e fortë. Me nënshkrimet që po shihen, mendoj se do të bëhet një ligë shumë interesante”,- tha sulmuesi.

Leão ka folur edhe për largimin e Sandro Tonalit te Newcastle dhe tregoi pak trishtim.  "Ai ishte një lojtar i rëndësishëm për ne, nuk e prisja që të largohej. Ai bënte diferencën në mesfushë dhe unë e pashë atë si trashëgimtar të Gattusos, sepse ai ishte gjithmonë një lojtar i Milanit. E kishoja atë në klub për shumë vite”, deklaroi ai.

B.T (Dosja.al)

Sondazh

Poll

MË SHUMË