Sport

Icardi i thotë “Jo” Arabisë Saudite, por kërkon 10 milionë në vit për të qëndruar

Sulmuesi argjentinas Mauro Icardi dëshiron të qëndrojë në Turqi, ku rilindi dhe fitoi kampionatin, veç me kushte të tjera…

29 Qershor 2023, 08:30 Nga DOSJA
Icardi i thotë “Jo” Arabisë Saudite, por kërkon 10

TURQI - Mauro Icardi dikton kushtet për të vazhduar të luajë te Galatasaray. Ish-sulmuesi i PSG-së, i cili refuzoi një ofertë arabe prej 25 milionë euro në sezon, i ka kërkuar klubit turk një pagë prej 10 milionë në vit. 

Galatasaray nuk mund të shkojë përtej 6 për të mos shkelur ‘Fair Play’ financiar dhe është në kërkim të sponsorëve për të kënaqur Mauriton. Më pas ai do të ulet në tavolinë me PSG-në për të negociuar blerjen. Lajmin e bën të ditur media turke “Fanatik”.

Icardi u rilind në Galatasaray, pas përvojës së trazuar te PSG, e cila ende ka kartonin e tij. Me 21 gola dhe 7 asistime , sulmuesi argjentinas dha një kontribut themelor për të fituar titullin e tij të 23-të, duke u kthyer po aq i paepur para portës aq dhe vendimtar.  

"Në Paris kam luajtur me lojtarët më të mirë në botë, por nuk jam ndjerë kurrë i vlerësuar. Këtu ndjej dashurinë dhe dashurinë e tifozëve",- fjalët e tij të disa kohëve më parë që e kapin më mirë situatën. Galatasaray është zgjedhja e parë e Icardit dhe Icardi është zgjedhja e parë e Galatasaray. 

Për t'iu përshtatur enigmës së komplikuar, megjithatë, turqit duhet të gjejnë paratë që Maurito kërkon: kërkimi për sponsorizime po shkon mirë dhe mund të ketë lajme që në fillim të javës së ardhshme. 

Pasi të gjendet skuadra me Icardin, kampionët e Turqisë do të duhet të flasin me PSG-në: kontrata e sulmuesit skadon në vitin 2024 dhe në Paris mund ta ndërpresin atë edhe për të kursyer rrogën prej 9 milionë eurosh. Sakaq Milani mbetet në dritare, por Icardi rrezikon të mbetet një sugjerim i thjeshtë...

B.T (Dosja.al)

Sondazh

Poll

MË SHUMË