Sport

Prokurori, sot mban pretencën në gjyqin për “grabitqarin” seksual Benjamin Mendy...

Dymbëdhjetë anëtarët e jurisë u betuan të mërkurën gjatë gjyqit të dytë të Benjamin Mendy, i dyshuar për përdhunim dhe tentativë përdhunimi. Në mëngjesin e së enjtes, prokurori duhet të marrë fjalën për të paraqitur çështjen e prokurorisë në gjykatë.

29 Qershor 2023, 08:00 Nga DOSJA

Prokurori, sot mban pretencën në gjyqin për

ANGLI - Pas dy ditëve të para kushtuar shkëmbimeve dhe vëzhgimeve ligjore, përmbajtja e të cilave nuk mund të zbulohet për shkak të kufizimeve ligjore, gjyqi i dytë (rigjykimi) i Benjamin Mendy filloi publikisht të mërkurën, në gjykatën Chester, me përzgjedhjen e një jurie popullore. 

Ish-mbrojtësi i Mançester Sitit (i pezulluar nga klubi i tij, më 30 qershor i përfundon kontrata) rigjykohet në Angli për dy akuza për vepra seksuale, përdhunim dhe tentativë përdhunimi, nga dy vajza të reja, ai e mohon totalisht.

Identiteti i dy ankuesve mbrohet rreptësisht nga ligji britanik. Faktet e supozuara, të cilat dyshohet se kanë ndodhur në shtëpinë e lojtarit në kontenë e Cheshire (në jug të Mançesterit), datojnë në tetor 2018, për akuzën e përdhunimit në tentativë dhe tetor 2020, për akuzën e përdhunimit.

Pas një gjyqi të parë, lojtari francez u shpall i pafajshëm, në janar, për shtatë nga nëntë akuzat, gjashtë përdhunime dhe një sulm seksual, që e kishin në shënjestër atë. Mendy (28) ishte liruar edhe nga një tjetër akuzë për përdhunim, për mungesë provash të mjaftueshme, në shtator, gjatë procedurave të mëparshme.

Prokurori, sot mban pretencën në gjyqin për
Sheshi përballë gjykatës së Chester Crown Court.

Dymbëdhjetë anëtarë, gjashtë burra dhe gjashtë gra, u hodhën përfundimisht me short, përpara se të bënin betimin dhe të dëgjonin gjyqtarin Steven Everett, i cili tashmë drejtonte debatet që vitin e kaluar, duke u numëruar me qetësi dhe rigorozitet detyrimet e anëtarëve të jurisë. Më e rëndësishmja është të “mos flasim” për rastin dhe përmbajtjen e tij rreth tyre, duke shmangur me kujdes mesazhet, emailet dhe ekspozimin në rrjetet sociale.

"Unë mendoj se shumë prej jush, nëse jo të gjithë, e dinë se zoti Mendy është gjykuar më parë,"- tha gjyqtari Everett. - Ky është një gjykim i ri për dy akuza në pritje. Ai tashmë është liruar nga të gjithë të tjerët, kështu që ju e dini që në fillim.” 

Nëse gjyqtari Everett ishte edhe në rastin e parë, në gjykimin e sotëm nuk do të jetë prokurori i mëparshëm, Timothy Cray, i cili e quajti Benjamin Mendy një "grabitqar" seksual gjatë gjyqit të parë. Mëngjesin e kësaj të enjte është Benjamin Aina ai që duhet të paraqesë dosjen e prokurorisë në gjykatë, në përmbledhjen e tij hyrëse. Ky gjykim i ri pritet të zgjasë më shumë se tre javë dhe mund të përfundojë deri më 21 korrik.

B.T (Dosja.al)

Sondazh

Poll

MË SHUMË