Sport

Andrea Pirlo firmos me Sampdorian, me mision për ta rikthyer në Serie A...

Andrea Pirlo mendohet të jetë trajneri i ri i Sampdorias, i ngarkuar për rikthimin e Sampit në Serie A.

27 Qershor 2023, 11:24 Nga DOSJA
Andrea Pirlo firmos me Sampdorian, me mision për ta rikthyer në Serie

ITALI - Andrea Pirlo kthehet në Itali për Sampdorian. Pas përfundimit të kontratës me Karagümruk majin e kaluar, tekniku italian ishte i lirë dhe sipas Gianluca Di Marzio, ai bashkoi duart me pronarin e ri të skuadrës xhenoveze, Andrea Radricani, për një kontratë 2+1 vjeçare.

Kështu, Pirlo do të kthehet në Serie A, pas periudhës së tij me Juventusin në sezonin 2020-21, duke marrë përsipër Sampdorian dhe rikthyer skuadrën ‘blucerchiati’ sa më shpejt në Seria A.

Është një detyrë e vështirë që 44-vjeçari do t'i kërkohet të marrë përsipër, pasi sezoni 2022-2023 ishte padyshim një nga më të errëtat në historinë e klubit italian.

Skuadra e njohur e Genoas jo vetëm që ka rënë në kategorinë e dytë të Italisë, por është e rrënuar nga disa çështje financiare, me shumë lojtarë të mbetur pa pagesa.

Kujtojmë gjithashtu, se bashkëpunimi i Pirlos me Karagümruk pati një fund të palavdishëm, me shkarkimin e tij nga drejtuesit e klubit turk majin e kaluar, tre ndeshje para përfundimit të sezonit.

B.T (Dosja.al)

Sondazh

Poll

Sport 27 Qershor 2023, 10:13

Shpërthen Hulk: "Ne nuk jemi makina!"

BRAZIL - Sasia e ndeshjeve në Brazil (dhe më gjerë...) ka gjeneruar shumë kritika vitet e fundit në vendin latino-amerikan. Kët&eu...

MË SHUMË