Sport

Leo Messi i dyzuar, para një vendimi të zhurmshëm për të ardhmen e tij…

Lionel Messi mund të marrë një vendim të madh përpara kalimit të tij në Inter Miami.

25 Qershor 2023, 12:20 Nga DOSJA
Leo Messi i dyzuar, para një vendimi të zhurmshëm për

ARGJENTINE - Muajin e ardhshëm, Lionel Messi do të nisë zyrtarisht një aventurë të re larg Europës. Pasi kaloi gati njëzet vjet, duke ndriçuar Kontinentin e Vjetër me talentin e tij, shtatë herë fituesi i “Topit të Artë” do të niset për të pushtuar Amerikën, që kur ka nënshkruar me Inter Miami. 

Skuadra e tij, e cila mbrëmë u mund sërish 4-1 nga Philadelphia Union, është në pritje të tij dhe shpreson që argjentinasi, të cilit do t'i bashkohet Sergio Busquets, do të arrijë të ngrejë shiritin. Ndërkohë, ai mund të përqendrohej qartë vetëm në këtë detyrë! 

Messi gati të tërhiqet nga kombëtarja... përkohësisht?

Në të vërtetë, sipas informacioneve nga “Mirror”, kampioni i botës 2022 mund të marrë vendimin për t'u tërhequr përkohësisht nga kombëtarja argjentinase. Kështu ai do të synonte t'i përkushtohej plotësisht aventurës së tij të re në Florida. Megjithatë, le të qetësohen tifozët, ylli nga Rosario do të synojë të rikthehej pas një viti. Arsyeja ? Ai do të donte të gjente kohë për t'u vendosur dhe përshtatur në Shtetet e Bashkuara me familjen e tij dhe këtë synim tashmë i ka shprehur edhe trajnerit Lionel Scaloni. 

Një kërkesë që do të kishte qenë një goditje për trajnerin aktual të ‘Albicelestes’, por ky i fundit nuk mundet ta kundërshtojë vendimin e yllit të tij, njësoj si Federata. Nëse kjo do të konfirmohej, atëherë Messi mund të kthehej me rastin e Kupës së Botës, që do të zhvillohet në Amerikë dhe ku Argjentina do të duhet të mbrojë titullin e saj…

B.T (Dosja.al)

Sondazh

Poll

MË SHUMË