Bota

Shpërthim i fortë në Paris: Ekipet e shpëtimit po kërkojnë një grua të zhdukur në rrënojat e një ndërtese të shembur

Katër persona janë ende në gjendje kritike

23 Qershor 2023, 21:09 Nga A.B
Shpërthim i fortë në Paris: Ekipet e shpëtimit po
Shperthimi

FRANCË- Një grua është zhdukur dhe katër të plagosur janë ende në gjendje kritike, pasi shpërthimi i fuqishëm i së mërkurës shkaktoi shembjen e një pjese të një ndërtese në Paris.

Ekipet e shpëtimit janë duke kërkuar nëpër rrënoja për një profesor në shkollën amerikane "Paris American Academy", e cila është e specializuar në modë dhe dekorim, sipas Agjencisë Franceze të Lajmeve (AFP), duke cituar burime të mirëinformuara. Ekipet e shpëtimit po largojnë me kujdes mbeturinat, pasi ekziston rreziku i shembjes së objektit fqinj.

Shpërthimi ndodhi pasditen e së mërkurës në ndërtesën e vendosur në 277 rue Saint-Jacques, ku ndodhet shkolla, në lagjen Val-de-Grace të Parisit. Falë ndërhyrjes në kohë të rreth 270 zjarrfikësve me 70 automjete, zjarri i rënë është vënë nën kontroll një orë e gjysmë pas shfaqjes së tij.

Shpërthimi theu xhamat e ndërtesave qindra metra larg, duke plagosur 54 persona, shumica prej tyre lehtë.

Në rrugët përreth shpërthimi i frikshëm ende monopolizon bisedat. Disa banorë që ende nuk e kanë marrë veten nga tronditja, sjellin ndërmend renë e madhe që mbuloi zonën dhe ua vështirësoi frymëmarrjen./Dosja.al

zjarr ne paris

Sondazh

Poll

MË SHUMË