Bota

Këshilli i BE-së miraton paketën e 11-të të sanksioneve kundër Rusisë

Qeveria suedeze njoftoi se ambasadorët e BE-së mbështetën paketën e fundit më 21 qershor. 

23 Qershor 2023, 12:49 Nga a.l
Këshilli i BE-së miraton paketën e 11-të të sanksioneve
Bashkimi Evropian

Këshilli i Bashkimit Evropian njoftoi më 23 qershor miratimin e paketës së 11-të të sanksioneve kundër Rusisë, që synon të kundërshtojë shmangien e sanksioneve. Qeveria suedeze njoftoi se ambasadorët e BE-së mbështetën paketën e fundit më 21 qershor. 

"Paketa e sotme rrit presionin tonë mbi Rusinë dhe makinën e luftës së Putinit. Duke trajtuar anashkalimin e sanksioneve, ne do të maksimizojmë presionin ndaj Rusisë duke e privuar atë më tej nga burimet që i nevojiten aq dëshpërimisht për ta lejuar atë të vazhdojë luftën e saj të paligjshme kundër Ukrainës", tha Josep Borrell, kryediplomati i BE-së.

Sipas paketës së fundit, BE do të zgjerojë bashkëpunimin me vendet e treta për parandalimin e anashkalimit të sanksioneve, shkruajnë mediat e huaja. Nëse dialogu dhe bashkëpunimi nuk arrijnë rezultatin e dëshiruar, këshilli tha se mund të vendosë si masë e fundit për të zgjeruar sanksionet edhe ndaj një vendi të tretë. 

lufta ukraine-rusi be

Sondazh

Poll

MË SHUMË