Bota

Serbët në protestë për arrestimin e Dragisha Milenkoviç/ Policia: Qarkullimi i mjeteve nga Prishtina në Gjilan do të ndalohet

Policia e Kosovës ka njoftuar se për mbarëvajtjen e protestës së paralajmëruar, duke filluar nga ora 11:30 e deri në përfundim të protestës, qarkullimi i automjeteve nga Prishtinë në Gjilan do të ndalohet.

23 Qershor 2023, 11:58 Nga a.l
Serbët në protestë për arrestimin e Dragisha
Protestuesit në Graçanicë

KOSOVË- Qytetarët serbë kanë protestuar sërish në Graçanicë pak ditë pas arrestimit të serbit Dragisha Milenkoviç, i dyshuar për krime lufte.

Policia e Kosovës ka njoftuar se për mbarëvajtjen e protestës së paralajmëruar, duke filluar nga ora 11:30 e deri në përfundim të protestës, qarkullimi i automjeteve nga Prishtinë në Gjilan do të ndalohet. Rruga kryesore në Graçanicë do të jetë e bllokuar deri në përfundim të protestës. 

Gjykata Themelore në Prishtinë ka caktuar një muaj paraburgim për serbin e identifikuar me emrin Dragisha Milenkoviç i cili u arrestua dy ditë më parë dhe dyshohet se ka kryer veprën penale “Krime lufte kundër popullatës civile”. Gjykata njofton se Milenkoviç ish-gardian i Burgut të Prishtinës dhe Lipjanit, gjatë periudhës së luftës në Kosovë, konkretisht nga data 24.05.1999 deri me 10.06.1999, në Burgun e Prishtinës dhe të Lipjanit, në cilësinë e personit zyrtar dhe në bashkëkryerje edhe me zyrtar tjerë të burgjeve në fjalë, keqpërdorën autorizimet zyrtare. 

dragisha milenkoviç

Sondazh

Poll

MË SHUMË