Sport

Bardhezinjtë e “Zonjës së Vjetër” zyrtarizojnë largimin e Angel di Marias!

Juventusi ka zyrtarizuar largimin e lirë të argjentinasit Angel Di Maria. Ky i fundit nxiton drejt Benfikës!

22 Qershor 2023, 11:41 Nga DOSJA

ITALI - Tashmë është zyrtare, Angel Di Maria nuk do të jetë më lojtar i Juventusit vitin e ardhshëm. I ardhur vitin e kaluar, si lojtar i lirë nga PSG, argjentinasi shumë shpejt do të jetë vendosur si një titullar i plotë me bardhezinjtë. Autor i 8 golave dhe 7 asistimeve në 40 ndeshje në të gjitha garat, ai sezonin e ardhshëm pritet t'i bashkohet Benfikës në orët në vijim.

“Rrugët e Angel Di Marias dhe Juventusit u ndanë pas një sezoni. I mbërritur në Continassa në korrik 2022, Angel kishte nënshkruar një kontratë vjetore pas përvojës së tij të gjatë në PSG, duke shtuar Serie A në listën e kampionateve të mëdha të njohura në karrierën e tij. Aventura e tij me Juventusin përfundon me 40 ndeshje të luajtura të klasit të lartë dhe 8 gola të shënuar, të ndarë në mënyrë të barabartë mes kampionatit dhe Europa League. Mes të dyjave, fitorja e Kupës së Botës me Argjentinën.

Bardhezinjtë e “Zonjës së Vjetër”

Ndër arritjet më të rëndësishme, sigurisht që është goli në debutimin e tij kundër Sassuolos, një breshëri me breshëri që shpërtheu tifozët e pranishëm në “Allianz Stadium”. Pas Botërorit të lartpërmendur në Katar, paraqitjet më të mira u panë mbi të gjitha në Evropa League me ‘hat-trick’ në fushën e Nantes, me të parin nga tre golat ndër më të mirët e sezonit, dhe golin fitues e të rëndësishëm të shënuar në shtëpi kundër Freiburgut, i cili do të mbetet ehd goli i tij i fundit në bardhezi.

Faleminderit për gjithçka Fideo dhe suksese në të ardhmen!”

B.T (Dosja.al)