Bota

Këshilli i Europës cakton ish-kryediplomaten greke, Dora Bakoyanni raportuese për Kosovën

Bakoyannis aktualisht është zëvendëspresidente e Asamblesë Parlamentare të KE.

20 Qershor 2023, 13:45 Nga f.i
Këshilli i Europës cakton ish-kryediplomaten greke, Dora Bakoyanni
Dora Bakoyanni

KOSOVË- Komiteti për çështje politike dhe demokraci në Asamblenë Parlamentare të Këshillit të Europës e ka caktuar Dora Bakoyannis raportuese për anëtarësimin e Kosovës në KE. Lajmin e ka konfirmuar deputeti i LDK-së, Arben Gashi, i cili është pjesë e delegacionit të deputetëve kosovarë në Këshillin e Europës dhe aktualisht është në Strasburg.

Detyra e Bakoyannis do të jetë të bëjë raportin, i cili shkon në seancë plenare pasi ta marrë raportin nga dy juristët që tashmë janë caktuar. Ndërkaq, edhe dy raportues tjerë pritet të caktohen, një në Komitet për Çështje Ligjore dhe një në Komitet për Barazi dhe Jodiskriminim.

Dora Bakoyanni është një politikane greke. Nga viti 2006 deri në vitin 2009 ka qenë ministre e Punëve të Jashtme të Greqisë. Ajo ishte gjithashtu në krye të OSBE-së në vitin 2009. Bakoyannis aktualisht është zëvendëspresidente e Asamblesë Parlamentare të KE.

kosove dora bakoyannis

Sondazh

Poll

MË SHUMË