Sport

Pep Guardiola u ka bërë thirrje drejtuesve, që të gjejnë një zëvendësues për manjakun seksual të Manchester City-t...

Trajneri spanjol ka vendosur të mos përfshijë në planet e tij francezin Benjamin Mendy, i akuzuar për sulme seksuale. Guardiola u ka bërë thirrje sheikëve që të gjejnë urgjentisht një zëvendësues të përshtatshëm.

19 Qershor 2023, 19:13 Nga DOSJA

Pep Guardiola u ka bërë thirrje drejtuesve, që të

ANGLI - Ish-lojtari i kombëtares franceze nuk ka luajtur fare që nga viti 2021 për shkak të akuzave për përdhunim dhe sulm seksual, për të cilat ai tashmë është dërguar në gjykatë.

Mbrojtësi francez do të rigjykohet për akte të tjera të ngjashme me ato për të cilat ai duhej të jepte llogari dhe drejtuesit e “Ettihad” kanë vendosur që ka ardhur koha të ndahen me të, pasi Benjamin Mendy nuk ka luajtur asnjë minutë që nga viti 2021, që nga fillimi i skandalit seksual në të cilin është përfshirë drejtpërdrejt.

Largimi i mbrojtësit të majtë ende nuk është konfirmuar zyrtarisht nga Manchester City, por sipas tabloidit “DailyMail”, emri i tij figuron në listën e futbollistëve të publikuar në fund të sezonit.

Mendy mbërriti te kampionët e Premierligës në vitin 2017 nga Monaco për shumën përrallore prej 60 milionë euro dhe arriti të bënte 75 ndeshje zyrtare për Cityn, përpara se të arrestohej në nëntor 2020 nga policia britanike, pas një ankese për përdhunim të bërë nga një femër 24-vjeçare.

Pep Guardiola u ka bërë thirrje drejtuesve, që të

Ai u lirua më vonë me kusht në pritje të hetimeve, por u akuzua edhe nga një tjetër e re për sulm seksual, të cilit më pas iu bashkuan tre ankesa të tjera për përdhunim nga tre gra të ndryshme, njëra prej të cilave ishte 17 vjeç në kohën e kryerjes së krimit hipotetik.

Benjamin Mendy u gjet i pafajshëm për të gjitha këto akuza, por Manchester City vendosi ta pezullojë francezin pafundësisht në gusht të 2021, një ndalim që ata e kanë mbajtur pas një rigjykimi të gjyqit të ish-ndërkombëtarit francez.

Rigjykimi do të zhvillohet për tre javë, gjatë së cilës një gjyqtar do të shqyrtojë dy akuza të veçanta, një për përdhunim dhe një për sulm seksual, të cilat janë të ndara nga ato për të cilat Mendy u lirua.

B.T (Dosja.al)

Sondazh

Poll

MË SHUMË