Aktualitet

Mediat britanike: Mbi 1000 emigrantë shqiptarë në Angli në 72 orë! Shpenzohen 5.5 milionë paund për sigurinë e tyre

Sunak tha se deri më tani këtë vit "numri i mbërritjeve me varka të vogla shqiptare ka rënë me pothuajse 90%" dhe se Britania tani po pranonte një në 50 raste të azilit shqiptar krahasuar me një në pesë më parë.

18 Qershor 2023, 17:17 Nga f.i
Mediat britanike: Mbi 1000 emigrantë shqiptarë në Angli në
emigrantë

BRITANI E MADHE- Në dy ditët e fundit sipas medias britanik 'GB News' kanë hyrë mbi 1000 emigrantë shqiptarë nëpërmjet Kanalit Anglez. Shifrat zyrtare nga Zyra e Brendshme zbulojnë se të premten, 486 persona u morën nga 10 varka të vogla në Kanalin Anglez. Të shtunën, 374 të tjerë u kapën në shtatë gomone dhe u dërguan në qendrën e përpunimit në portin e Doverit.

Gjithashtu më shumë se 5.5 milionë paund në ditë shpenzohen aktualisht për sigurimin e akomodimit në hotel për azilkërkuesit.

Media shkruan se shifrat e bien në kundërshtim me pretendimet e kryeministrit Rishi Sunak se politikat që synojnë ndalimin e krizës së anijeve të vogla po "fillonin të funksiononin" me një reduktim prej 20 për qind në kalimin e numrave, krahasuar me të njëjtën periudhë të vitit 2022.

Sunak këmbënguli gjithashtu se një marrëveshje me Shqipërinë nënkuptonte që Britania po kthente më shumë emigrantë në vend. Ai tha se deri më tani këtë vit "numri i mbërritjeve me varka të vogla shqiptare ka rënë me pothuajse 90% dhe se Britania tani po pranonte një në 50 raste të azilit shqiptar krahasuar me një në pesë më parë.

Ekspertët detarë në Kent i kanë thënë për 'GB News' se ulja e mbërritjeve të emigrantëve në Channel kishte të bënte më shumë me kushtet e këqija të motit gjatë muajve të fundit sesa me çdo ndryshim të politikës.

emigrantet shqiptare ne angli rishi sunak

Sondazh

Poll

MË SHUMË