Aktualitet

Shpërthime në gurore? Policia përgënjeshtron lajmin: Është e mbyllur që prej janarit

Policia në një njoftim për mediat bën me dije se grurorja në fjalë është mbyllur që prej muajit janar dhe janë revokuar lejet e shfrytëzimit në zonën e mbrojtur Krastë-Verjon në Krujë.

18 Qershor 2023, 14:24 Nga I.A
Shpërthime në gurore? Policia përgënjeshtron lajmin:
Gurore

KRUJË- Një lajm i qarkulluar në media ditën e sotme se ka pasur shpërthime në një gurore në Krujë ka rezultuar i pavërtetë. Policia në një njoftim për mediat bën me dije se grurorja në fjalë është mbyllur që prej muajit janar dhe janë revokuar lejet e shfrytëzimit në zonën e mbrojtur Krastë-Verjon në Krujë.

Njoftimi i Policisë:

Reagim i DVP Tiranë Në lidhje me një lajm të publikuar në media i cili bën fjalë për disa shpërthime në një gurore në fshatin Halilaj, Krujë, ju sqarojmë se: Pas lajmit të publikuar, shërbimet e Policisë kanë ushtruar kontroll të menjëhershëm dhe nga kontrolli i ushtruar ka rezultuar se kjo gurore është e mbyllur që në muajin janar të këtij viti, në kuadër të operacionit policor të koduar "Mjedisi". Gjithashtu, që në muajin janar në asnjë prej guroreve që u janë revokuar lejet e shfrytëzimit në zonën e mbrojtur Krastë-Verjon në Krujë, nuk ka pasur punime. Drejtoria Vendore e Policisë Tiranë kërkon mirëkuptimin e mediave që para se të publikojnë lajme të kërkojnë informacion pranë DVP Tiranë dhe fton qytetarët që të denoncojnë në 112 çdo rast të paligjshmërisë.

shperthim ne gurore

Sondazh

Poll

MË SHUMË