Bota

'Jetojnë në shtëpi të ndara'/ Skandai i 'Katargate' çon drejt ndarjes Eva Kailin nga partneri i saj

Sipas deklaratave të avokatit të eurodeputetes, Mihalis Dimitrakopoulos në televizionin Alpha, klientja e tij dëshiron të ndërpresë marrëveshjen e bashkëjetesës që ka bërë me babain e vajzës së tyre, Francesco Giorgi, me të cilin tani jetojnë në shtëpi të ndara.

16 Qershor 2023, 12:50 Nga a.l

'Jetojnë në shtëpi të ndara'/ Skandai i

GREQI-Nënkryetarja greke e Parlamentit Europian Eva Kaili dhe partneri i saj Francesco Giorgi duket se janë drejt ndarjes. Sipas deklaratave të avokatit të eurodeputetes, Mihalis Dimitrakopoulos në televizionin Alpha, klientja e tij dëshiron të ndërpresë marrëveshjen e bashkëjetesës që ka bërë me babain e vajzës së tyre, Francesco Giorgi, me të cilin tani jetojnë në shtëpi të ndara, shkruan Protothema.gr. 

“Është një bashkëjetesë tipike. Ata i bashkon vetëm fëmija. Mundësisht në ditët në vijim do të ketë zhvillime në drejtim të përfundimit të marrëveshjes së bashkëjetesës. Kemi bërë muhabet këto ditë se mundësia e prishjes së paktit është shumë afër vendimeve. I thashë të mendonte. Zonja Kaili është e orientuar në këtë drejtim”, tha kriminologu.

Eurodeputetja greke, Eva Kaili emri i së cilës u lakua në skandalin 'Katargate' është rikthyer në PE, pas lirimit nga burgu dhe vendimit të drejtësisë belge për heqjen e byzylykut të arrestit shtëpiak.  

Arrestimi i eurodeputetes

Eurodeputetja është arrestuar më 9 dhjetor dhe i është hequr menjëherë imuniteti parlamentar, ajo është fshirë nga PASOK, ndërsa është hequr nga posti i nënkryetares së Parlamentit Evropian. 44-vjeçarja Kaili u akuzua për pjesëmarrje në organizatë kriminale, korrupsion dhe pastrim parash dhe u transferua në burgun e Harenit, në periferi të Brukselit, në kuadër të paraburgimit. Kaili ishte një nga pesë personat e arrestuar dhe akuzuar penalisht nga autoritetet belge, së bashku me partnerin e saj vendas Francesco Giorgi,  ish-deputetin e Parlamentit Evropian Antonio Panzeri, i cili shihet si "kryeministri" i skandalit, eurodeputeti belg Marc Tarabella dhe drejtori i OJQ-së "Nuk ka paqe pa drejtësi". " Nikolos Talamankas. 

eva kaili francesco giorgi

Sondazh

Poll

Bota 16 Qershor 2023, 11:58 k.m.

DW: Kosova jashtë loje

Foto ilustruese Gazeta "Frankfurter Allgemeine Zeitung" në analizën e saj me titull "Kosova jashtë loje" shkruan për historinë e g...

MË SHUMË