Bota

Pengmarrja e 3 policëve në Veri/ Zëdhënësi i BE-së: Çështje urgjente! Po e ndjekim nga afër, jemi në kontakt me të dyja palët

Ai tha se çështja është urgjente dhe po ndiqet nga afër duke qenë në kontakt me të dyja palët dhe KFOR-in. 

15 Qershor 2023, 13:31 Nga a.l
Pengmarrja e 3 policëve në Veri/ Zëdhënësi i
Peter Stano

Zëdhënësi i BE-së, Peter Stano është pyetur për rrëmbimin e tre policëve kosovarë nga njësia speciale e Serbisë, ditën e djeshme në afërsi të Leposaviç. Ai tha se çështja është urgjente dhe po ndiqet nga afër duke qenë në kontakt me të dyja palët dhe KFOR-in. 

“Kjo është çështje që po e ndjekim nga afër dhe është një çështje urgjente. [Jemi] në kontakt me të dyja palët, si dhe me KFOR-in që është i rëndësishëm në këtë kontekst për ta kuptuar se çfarë ka ndodhur dhe si ka ndodhur. Ne nxisim Kosovën dhe Serbinë që të përmbahen nga ndonjë veprim apo reagim që do t’i kontribuonte tensioneve që janë të rritura”, tha ai.

Çfarë po ndodh në veri të Kosovës?

Situata në veri të Kosovës vijon të jetë e tensionuar. Një ditë më parë (14 qershor) në afërsi të Leposaviç, 3 pjesëtarë të Policisë së Kosovës u morën peng peng nga Forcat Speciale Serbe 'Kobra'. Ngjarja ndodhi kur tre policët ishin duke patrulluar në kufi, në vendin e quajtur Tresave/ Bare.

Sipas Qeverisë së Kosovës, ky është një kundërpërgjigje për arrestimin 2 ditë më parë në Mitrovicën e Veriut, të serbit Millun Millenkoviç, një nga organizatorët e protestave të dhunshme në Veri. Serbia ka hedhur poshtë çdo pretendim. Situata u përshkallëzua më 29 maj, kur serbët lokalë u përplasën me ushtarët e KFOR-it të cilët ruanin objektet komunale. Atë ditë mbetën të lënduar 30 ushtarë të KFOR-it, 11 të kontingjentit italian dhe 19 të tjerë të kontingjentit hungarez. Faktori ndërkombëtar ka bërë thirrje të vazhdueshme për uljen e tensioneve tensioneve dhe, së fundi, disa kanë kërkuar mbajtjen e zgjedhjeve të reja në veri.

peter stano

Sondazh

Poll