Bota

Pasojat e një LUFTE të ashpër/ Raporti i UNICEF: Dy milionë fëmijë janë detyruar të largohen nga Ukraina

Sipas UNICEF, më shumë se 1.1 milionë fëmijë kanë mbërritur në Poloni, me qindra mijëra të tjerë kanë mbërritur gjithashtu në Rumani, Moldavi, Hungari, Sllovaki dhe Republikën Çeke.

15 Qershor 2023, 07:51 Nga a.l
Pasojat e një LUFTE të ashpër/ Raporti i UNICEF: Dy milionë
Foto ilustruese

UKRAINË- Një raport i publikuar së fundmi nga Fondi i Kombeve të Bashkuara për Fëmijët (UNICEF), zbulon se rreth dy milionë fëmijë janëdetyruar të largohen nga Ukraina, si pasojë e luftimeve të ashpra me Rusinë. 

“Situata brenda Ukrainës është në spirale. Ndërsa numri i fëmijëve që largohen nga shtëpitë e tyre vazhdon të rritet, ne duhet të kujtojmë se secili prej tyre ka nevojë për mbrojtje, edukim, siguri dhe mbështetje”, tha drejtoresha ekzekutive e UNICEF-it, Catherine Russell. 

Sipas UNICEF, më shumë se 1.1 milionë fëmijë kanë mbërritur në Poloni, me qindra mijëra të tjerë kanë mbërritur gjithashtu në Rumani, Moldavi, Hungari, Sllovaki dhe Republikën Çeke.

Për të kërkuar të zvogëlojë rreziqet me të cilat përballen fëmijët dhe të rinjtë, UNICEF, UNHCR dhe partnerët e qeverisë dhe shoqërisë civile po rritin "Pika blu" në vendet pritëse të refugjatëve, duke përfshirë Moldavinë, Rumaninë dhe Sllovakinë. "Pika blue" janë hapësira të sigurta me një ndalesë që mund të ofrojnë informacion për familjet që udhëtojnë, të ndihmojnë në identifikimin e fëmijëve të pashoqëruar dhe të ndarë dhe të sigurojnë mbrojtjen e tyre nga shfrytëzimi dhe të shërbejnë si një qendër për qasje në shërbimet thelbësore.  

UNICEF po punon gjithashtu urgjentisht me qeveritë kombëtare dhe autoritetet e tjera në të gjithë rajonin për të vendosur masa të mëtejshme për t'i mbajtur fëmijët të sigurt, duke përfshirë forcimin e kontrollit të mbrojtjes së fëmijëve në pikat kufitare. Zyra e Komisionerit të Lartë të OKB-së për të Drejtat e Njeriut ka dokumentuar më shumë se 100 fëmijë janë vrarë gjatë konfliktit dhe 134 fëmijë të tjerë janë plagosur. 

Sipas raportit, disa fëmijë që kanë ikur nga Ukraina janë ende në gjendje të aksesojnë programin e tyre shkollor ukrainas në internet. Për të tjerët, duhet të bëhen përpjekje kolektive, duke përfshirë vendet pritëse të refugjatëve, për t'u siguruar që arsimimi i tyre të vazhdojë. Përveç mundësisë për të vazhduar mësimin, qasja në arsim u jep fëmijëve edhe njëfarë stabiliteti, mbrojtje dhe një ndjenjë përkatësie në një kohë pasigurie. 

Marrë dhe pështatur nga faqja zyrtare e UNICEF.org 

unicef

Sondazh

Poll

MË SHUMË