Bota

Andrew Tate sërish në telashe/ Prokurorët rumunë zgjerojnë hetimin e trafikimit të qenieve njerëzore

Ata u arrestuan fillimisht në dhjetor dhe po hetohen me akuzat për përdhunim, trafikim njerëzish dhe formim të një grupi krimi të organizuar. Ata gjithmonë kanë mohuar çdo keqbërje.

14 Qershor 2023, 22:39 Nga I.A
Andrew Tate sërish në telashe/ Prokurorët rumunë
Andrew Tate

RUMANI- Njësia kundër krimit të organizuar të Rumanisë thotë se ka zgjeruar çështjen e trafikimit të qenieve njerëzore kundër influencerit të rrjeteve sociale Andrew Tate, vëllait të tij Tristan dhe dy bashkëpunëtoreve të tyre. Tashmë ata po hetohen për veprën më të rëndë të “trafikimit të qenieve njerëzore në formë të vazhdueshme”.

Rastit i është shtuar edhe një viktimë tjetër. Vëllezërit Tate dhe bashkëpunëtorët e tyre janë nën arrest shtëpiak në Bukuresht që nga prilli. Ata u arrestuan fillimisht në dhjetor dhe po hetohen me akuzat për përdhunim, trafikim njerëzish dhe formim të një grupi krimi të organizuar. Ata gjithmonë kanë mohuar çdo keqbërje.

Më 12 qershor, të katër të dyshuarit u thirrën në selinë e njësisë së krimit të organizuar të Rumanisë për tu informuar për akuzat e reja. Sipas ligjit rumun, trafikimi i të rriturve dënohet me burgim deri në 10 vjet. Prokurorët thanë gjithashtu se kishin hapur një hetim të veçantë penal kundër një burri rumun të quajtur Vlad Obuzic, i cili sipas tyre ishte i afërt me vëllezërit Tate.

Obuzic po përballet me akuza për trafikim njerëzor dhe formim të një grupi kriminal kriminal për të shfrytëzuar seksualisht shtatë gra, të cilat u joshën dhe u detyruan të prodhonin përmbajtje pornografike për faqet e mediave sociale, me të dyshuarit që mbajnë shumicën e fitimeve.

andrew tate tristian tate

Sondazh

Poll

MË SHUMË