Bota

Rrëmbimi i efektivëve në Veri/ Policia e Kosovës: Policët të lirohen! Ndërkombëtarët t'i ushtrojnë presion Serbisë

Ai kërkoi që të ushtrohet presion ndaj Serbisë për lirimin e tyre. 

14 Qershor 2023, 18:24 Nga DOSJA
Rrëmbimi i efektivëve në Veri/ Policia e Kosovës:
Baki Kelani

KOSOVË- Zëdhënësi i Policisë së Kosovës, Baki Kelani tha se ka njoftuar mekanizmat ndërkombëtarë lidhur me rrëmbimin e 3 policëve kufitarë në Leposaviç. Në një konferencë për mediat ai kërkoi që të ushtrohet presion ndaj Serbisë për lirimin e tyre. 

“KFOR-i është njoftuar dhe jemi duke i koordinuar të gjitha aktivitetet e ta, dhe janë duke i kryer edhe ekzaminimet brenda në terren. Përveç KFOR-it, i kemi njoftuar të gjitha mekanizmat ndërkombëtarë duke kërkuar që t’u bëhet trysni autoriteteve të Serbisë që zyrtarët tanë të lirohen dhe t’u kthehen familjeve të tyre”, ka thënë Kelani.

Merren peng 3 policët

Tre policë kufitar se janë marrë peng këtë të mërkurë datë 14 qershor në vendin e quajtur Tresave/Bare, brenda në territorin e Kosovës, më konkretisht një fshat në komunën e veriut në Leposaviç. Sipas policisë, ata janë rrëmbyer nga forcat serbe, teksa kanë qenë në detyrë për të parandaluar shfrytëzimin e rrugëve ilegale nga grupet kriminale për kalim ilegal dhe kontrabandë. Policia njofton se 3 efektivët kanë njoftuar policinë se 3 persona të maskuar dhe armatosur kanë shkuar drejt tyre. Nga ky moment forcat e tjera policore kanë shkuar në kufi, ku kanë gjetur vetëm makinën e 3 policëve. Sipas mediave të Kosovës efektivët dyshohet se janë rrëmbyer nga Njësia serbe “Kobra”. 

tensione në veri të kosovës

Sondazh

Poll